தமிழக தேர்தல் முடிவின் தாக்கம் தேசிய அளவில் இருக்கும்-மோடி
சென்னை: தமிழக தேர்தல் முடிவின் தாக்கம் தேசிய அளவில் இருக்கும் என்று குஜராத் முதல்வர் நரேந்திர மோடி கூறியுள்ளார்.
அதிமுக பொதுச் செயலாளர் ஜெயலலிதாவின் பதவியேற்பு விழா இன்று பிற்பகல் நடைபெறுகிறது. இதில் அகில இந்திய அளவில் பல்வேறு தலைவர்கள் பங்கேற்கிறார்கள். அவர்களில் குஜராத் முதல்வர் நரேந்திர மோடியும் ஒருவர்.
பதவியேற்பு விழாவில் கலந்து கொள்வதற்காக மோடி இன்று சென்னை வந்தார். விமான நிலையத்தில் அவரை தமிழக பாஜக தலைவர் பொன். ராதாகிருஷ்ணன் தலைமையில் பாஜக நிர்வாகிகள் வரவேற்றனர்.
பின்னர் செய்தியாளர்கள மோடியிடம் தமிழக அரசியலில் ஏற்பட்டுள்ள பெரும் மாற்றம் குறித்துக் கேட்டபோது, தமிழக தேர்தலில் ஏற்பட்டுள்ள இந்த முடிவின் தாக்கம் தேசிய அளவிலும் எதிரொலிக்கும் என்றார்.
பதவியேற்பு விழாவில் கலந்து கொண்ட பின்னர் மருத்துவமனையில் அனுமதிக்கப்பட்டுள்ள சூப்பர் ஸ்டார் ரஜினிகாந்த்தை சந்தித்து நலம் விசாரிக்கவிருப்பதாகவும் மோடி தெரிவித்தார்.
Click it and Unblock the Notifications
Sign in with Google