சட்டசபை திமுக தலைவராக மு.க.ஸ்டாலின் தேர்வு

By Chakra

Published: Wednesday, May 25, 2011, 15:50 [IST]

Subscribe to Oneindia Tamil

சென்னை: சட்டசபை திமுக கட்சித் தலைவராக கட்சியின் பொருளாளர் மு.க.ஸ்டாலின் தேர்வு செய்யப்பட்டார்.

திமுகக தலைவர் கருணாநிதி தலைமையில் இன்று திமுக எம்எல்ஏக்கள் கூட்டம் சென்னை அண்ணா அறிவாலயத்தில் நடைபெற்றது.

இந்தக் கூட்டத்தில் சட்டப்பேரவை திமுக தலைவர், துணைத் தலைவர், கொறடா நியமனம் குறித்து விவாதிக்கப்பட்டது.

இதன் இறுதியில், சட்டசபை திமுக தலைவராக மு.க.ஸ்டாலின் தேர்வு செய்யப்பட்டார். துணை தலைவராக துரைமுருகன் தேர்வு செய்யப்பட்டார். கொறடாவாக சக்கரபாணி தேர்வு செய்யப்பட்டார்.

முன்னதாக துரைமு்ருகன் தலைவராக தேர்ந்தெடுக்கப்படுவர் என்ற எதிர்பார்ப்பு இருந்தது. இருப்பினும் ஸ்டாலினே தேர்வு செய்யப்பட்டார்.

கூட்டம் முடிந்ததும் சட்டமன்ற தி.மு.க. தலைவராக தேர்ந்து எடுக்கப்பட்ட மு.க.ஸ்டாலினுக்கு எம்.எல்.ஏ.க்கள் மற்றும் தி.மு.க. நிர்வாகிகள் வாழ்த்து தெரிவித்தனர்.

முன்னதாக கனிமொழி, முன்னாள் மத்திய அமைச்சர் ராசா, கலைஞர் தொலைக்காட்சியின் நிர்வாகி சரத்குமார் ஆகியோரை டெல்லி திகார் சிறையில் சென்று சந்தித்த திமுக தலைவர் கருணாநிதி நேற்று மாலை சென்னை திரும்பினார்.

திங்கள்கிழமை காலை டெல்ல சென்ற அவருடன் திமுக முக்கிய நிர்வாகிகளும் அவருடன் சென்றனர். இந் நிலையில் நேற்று மாலை அவர் சென்னை திரும்பினார்.

Published On May 25, 2011