மீண்டும் ரூ 17ஆயிரத்தை நெருங்கியது தங்கம் விலை!
சென்னை: தங்கத்தின் விலை மீண்டும் ரூ 17 ஆயிரத்தை நெருங்கியது.
கடந்த சில நாட்களாக தங்கம் விலை ஏறுவதும் இறங்குவதுமாக உள்ளது. அட்சய திருதியை மற்றும் திருமண சீசன் போன்ற காரணங்களால் தேவை அதிகரித்ததை தொடர்ந்து தங்கம் விலை கூடியது. பின்னர் விலை குறைந்து ஒரு பவுன் ரூ.16 ஆயிரம் என்ற நிலையில் இருந்தது.
தற்போது, மீண்டும் தங்கம் விலை அதிகரித்து வருகிறது. நேற்று காலை ஒரு பவுன் ரூ.16 ஆயிரத்து 800 ஆக இருந்தது. மாலையில் சவரனுக்கு மேலும் ரூ.40 உயர்ந்து ரூ.16 ஆயிரத்து 840 ஆக விற்றது. இன்று ஒரே நாளில் சவரனுக்கு ரூ.80 அதிகரித்து ரூ.16 ஆயிரத்து 920 ஆக உள்ளது.
இதன் மூலம் பவுன் ரூ.17 ஆயிரத்தை நெருங்கி விட்டது. சர்வதேச சந்தையில் விலை உயர்வும், தங்கத்தில் முதலீடு செய்வோரின் எண்ணிக்கை அதிகரிப்பும் விலை உயர்வுக்கு காரணம் என கூறப்படுகிறது.
வெள்ளி இன்று ஒரு கிலோ ரூ.55 ஆயிரத்து 430 ஆகவும், ஒரு கிராம் ரூ.59.30 ஆகவும் உள்ளது.
Click it and Unblock the Notifications
Sign in with Google