பாகிஸ்தானிற்கு ஹில்லாரி 'சர்பிரைஸ்' விசிட்: சர்தாரியுடன் சந்தி்ப்பு
இஸ்லாமாபாத்: அமெரிக்க வெளியுறவுத் துறை அமைச்சர் ஹில்லாரி கிளிண்டன் யாரும் எதிர்பாராமல் இன்று திடீர் என்று பாகிஸ்தான் வந்திறங்கியுள்ளார்.
கடந்த மாதம் 2-ம் தேதி அமெரிக்கப் படைகள் அல் கொய்தா தலைவர் ஒசாமா பின் லேடனைக் கொன்றது. அதன் பிறகு ஹில்லாரி கிளிண்டன் பாகிஸ்தான் வருவார் என்று அறிவிக்கப்பட்டது. ஆனால் தேதி எதுவும் குறிப்பிடவில்லை. இந்நிலையில் அவரும், அமெரிக்க முப்படைகளின் தலைமைத் தளபதி அட்மிரல் மைக் முல்லனும் நேற்றிரவு பாகிஸ்தான் வந்திறங்கினர்.
ஹில்லாரி பாகிஸ்தான் மக்கள் மற்றும் ராணுவத் தலைவர்களை சந்தித்து பேச்சுவார்த்தை நடத்தவிருக்கிறார். மேலும் பாகிஸ்தான் அதிபர் ஆசிப் அலி சர்தாரி, பிரதமர் யூசுப் ராசா கிலானி, ராணுவத் தளபதி ஜெனரல் அஷ்பாக் பர்வேஸ் கயானி, ஐ.எஸ்.ஐ. தலைவர் அகமது ஷுஜா பாஷா ஆகியோரை சந்திக்கவிருக்கின்றனர்.
இந்த சந்திப்பின்போது தீவிரவாதிகளை நாட்டை விட்டு விரட்டுமாறு பாகிஸ்தான் அரசை ஹில்லாரி வலியுறுத்துவார் என்று எதிர்பார்க்கப்படுகிறது.
Click it and Unblock the Notifications
Sign in with Google