ஐஎம்எப்புக்கு புதிய தலைவர் யார்?- பிரான்ஸ் நிதி அமைச்சர் லகோர்டேவுக்கு வாய்ப்பு

டோக்கியோ: ஐஎம்எப் புதிய தலைவராக பிரான்ஸ் நிதி அமைச்சர் கிறிஸ்டின் லகோர்டே நியமிக்கப்படக்கூடும் என்று தெரிய வருகிறது.

சர்வதேச நிதியம் எனப்படும் ஐஎம்எப்பின் தலைவராக இருந்த டொமினிக், செக்ஸ் புகார் காரணமாக கடந்த 18-ந் தேதி ராஜினாமா செய்தார்.

இதைத் தொடர்ந்து, ஜுன் 30-ந் தேதிக்குள் புதிய தலைவரை தேர்வு செய்ய வேண்டிய கட்டாயம் ஏற்பட்டுள்ளது. இதற்கான ஏற்பாடுகளை ஐஎம்எப்பின் தேர்வு வாரியம் செய்து வருகிறது.

இந்த நிலையில், பிரான்ஸ் நிதி அமைச்சர் உள்ள கிறிஸ்டின் லகார்டேவுக்கு தலைவராகும் வாய்ப்பு பிரகாசமாக உள்ளது. ஏனெனில், சர்வதேச நிதியத்தில் அதிக அளவிலான வாக்குகளை வைத்துள்ள அமெரிக்கா மற்றும் ஜப்பான் நாடுகள் அவரைத்தான் ஆதரிக்கின்றன.

அமெரிக்காவும் ஐரோப்பிய நாடுகளும் சேர்ந்து 48 சதவீத வாக்குகளையும் ஜப்பான் 6 சதவீத வாக்குகளையும் வைத்துள்ளது.

இதற்கிடையே, மெக்சிகோ மத்திய வங்கியின் கவர்னர் அகஸ்டின் கார்ஸ்டென்சும் தலைவர் பதவிக்கு போட்டியிட முடிவு செய்துள்ளதாக செய்திகள் தெரிவிக்கின்றன.

English summary

While French Finance Minister Christine Lagarde appears to be a "shoe in" as the next head of the highly influential International Monetary Fund, there is still an outside chance that a non-European contender from either Mexico, South Africa or Kazakhstan could land the prestigious Washington DC-based job.