சமச்சீர் கல்வித் திட்ட திருத்த மசோதாவுக்கு எதிர்ப்பு-எதிர்க்கட்சிகள் வெளிநடப்பு

Published: Tuesday, June 7, 2011, 13:12 [IST]

Subscribe to Oneindia Tamil

சென்னை: சமச்சீர் கல்வித் திட்ட திருத்த மசோதாவுக்கு எதிர்ப்பு தெரிவித்து திமுக, பாமக மற்றும் காங்கிரஸ் உறுப்பினர்கள் இன்று சட்டசபையிலிருந்து வெளிநடப்பு செய்தனர்.

தமிழக சட்டசபையில் இன்று சமச்சீர் கல்வித் திட்ட திருத்த மசோதா மற்றும் மேலவையை ரத்து செய்யும் தீர்மானம் ஆகியவை தாக்கல் செய்யப்பட்டன. இதற்கு திமுக கடும் எதிர்ப்பு தெரிவித்தது.

சமச்சீர் கல்வித் திட்ட திருச்ச மசோதாவுக்கு எதிர்ப்பு தெரிவித்து திமுக, காங்கிரஸ், பாமக உறுப்பினர்கள் வெளிநடப்புச் செய்தனர்.

அதேபோல மேலவை ரத்துக்கு பாமக எதிர்ப்பு தெரிவித்து வெளிநடப்பு செய்தது.

பின்னர் செய்தியாளர்களிடம் சட்டசபை திமுக தலைவர் மு.க.ஸ்டாலின் கூறுகையில்,,

திமுக அரசின் பல்வேறு சாதனை திட்டங்களை, அதிமுக அரசு தொடர்ந்து ரத்து செய்து வருகிறது. இதற்கு உதாரணமாக புதிதாக கட்டப்பட்டுள்ள சட்டமன்றம் சீல் வைக்கப்பட்டுள்ளது. சமச்சீர் கல்வியை முடக்கி வைத்துள்ளது.

சமச்சீர் கல்வி திட்டத்தை முடக்கி வைக்க அதிமுக அரசு ஈடுபட்டுள்ளதை திமுக சார்பில் கண்டித்து வெளிநடப்பு செய்கிறோம். சமச்சீர் கல்வி திட்டம் ரத்தைக் கண்டித்து போராட்டம் நடத்துவது பற்றி திமுக தலைவர் கருணாநிதியிடம் பேசி முடிவெடுப்போம் என்றார்.

Published On June 7, 2011