ஆண்டிப்பட்டி-நாட்டு வெடிகுண்டு வெடித்து பெண் காயம்

Published: Tuesday, June 7, 2011, 14:44 [IST]

Subscribe to Oneindia Tamil

தேனி: தேனி மாவட்டம் ஆண்டிப்பட்டி அருகே நாட்டு வெடிகுண்டு வெடித்ததில் பெண் ஒருவர் படுகாயமடைந்தார். உயிருக்கு ஆபத்தான நிலையில் அவர் மருத்துவமனையில் சேர்க்கப்பட்டுள்ளார்.

முத்தனாம்பட்டி என்ற கிராமத்தைச் சேர்ந்தவர் லதா. இவர் தனது வீட்டுக்கு வெளியே வாசல் அருகே ஒரு டிபன் பாக்ஸ் கிடப்பதைப் பார்த்து அதை எடுத்து திறக்க முயன்றுள்ளார்.அப்போது அது பலத்த சப்தத்துடன் வெடித்துச் சிதறியது.

இதில் லதா தூக்கி வீசப்பட்டார். படுகாயமடைந்த நிலையில் அவரை அரசு மருத்துவமனைக்குக் கொண்டு போய் சேர்த்தனர். அவரது நிலை கவலைக்கிடமாக இருப்பதாக தெரிகிறது.

மர்ம டிபன் பாக்ஸில் நாட்டு வெடிகுண்டு வைக்கப்பட்டிருக்கலாம் என்று சந்தேகிக்கப்படுகிறது. அதை விட்டுச் சென்றது யார் என்பது குறித்து போலீஸார் தீவிர விசாரணை மேற்கொண்டு வருகின்றனர்.

Published On June 7, 2011