தேனி கலெக்டர் அலுவலகத்தில் திடீர் தீ: கலெக்டர் பதவி ஏற்க தாமதம்

Published: Thursday, June 9, 2011, 11:09 [IST]

Subscribe to Oneindia Tamil

தேனி: தேனி மாவட்ட கலெக்டர் அலுவலகத்தில் திடீர் தீ விபத்து ஏற்பட்டதால் கலெக்டர் பதவி ஏற்க கால தாமதம் ஆனது.

தேனி மாவட்ட கலெக்டர் அலுவலகத்தில் குளிர்சாதன மின் கட்டுப்பாட்டு அறையின் சுவிட்சு போர்டில் திடீர் கோளாறு ஏற்பட்டது. இதன் காரணமாக அங்கு தீடீர் என தீ பற்றி எரிந்தது.

இது குறித்து உடனே தேனி நிலைய தீயணைப்பு துறைக்கு தகவல் தெரிவிக்கப்பட்டது. இதனையடுத்து தேனி நிலைய தீயணைப்பு அலுவலர் லட்சுமணன் தலைமையில் தீயணைப்பு வீரர்கள் தீயை போராடி அணைத்தனர். இதில் பெரிய அளவில் சேதம் எதுவும் இல்லை.

ஆனால் மாவட்ட கலெக்டராக பொறுப்பு ஏற்க இருந்த பழனிசாமி தீ விபத்து காரணமாக பதவி ஏற்க கால தாமதம் ஏற்பட்டது.

மேலும், புதிய கலெக்டராக பழனிசாமி பொறுப்பேற்கும் முன்பு தீ விபத்து ஏற்பட்டதால் இதை அபசகுனமாக அங்கிருந்த ஊழியர்கள் சிலர் குறை கூறினர்.

Published On June 9, 2011