திமுக பொருளாளர் மு.க.ஸ்டாலின் கடும் முதுகு வலியால் அவதி

சென்னை: கடும் முதுகு வலியில் சிக்கி அவதிப்பட்டு வருகிறார் முன்னாள் துணை முதல்வரும், திமுக பொருளாளருமான மு.க.ஸ்டாலின். அவருடைய தந்தையும், திமுக தலைவருமான கருணாநிதி நேரில் போய் பார்த்து நலம் விசாரித்தார்.

நீண்ட காலமாகவே ஸ்டாலினுக்கு முதுகு வலி உள்ளது. அவர் துணை முதல்வராக இருந்தபோது அவ்வப்போது லண்டன் போய் சிகிச்சை பெற்றும் வந்தார்.

இந்த நிலையில் சமீப காலமாக அவருக்கு முதுகு வலி அதிகரித்துள்ளது. இதனால் மியாட் மருத்துவமனைக்குச் சென்று அவர் சிகிச்சை பெற்றார். அவருக்கு பிசியோதெரபியும் பரிந்துரைக்கப்பட்டது. 3 நாள் சிகிச்சைக்குப் பின்னர் நேற்றுதான் ஸ்டாலின் வீடு திரும்பினார்.

இதையடுத்து அவரது ஆழ்வார்ப்பேட்டை வீட்டுக்குச் சென்ற கருணாநிதி, மகனுடைய நலம் விசாரித்தார். தற்போது ஸ்டாலினுக்கு தொடர்ந்து பிசியோதெரபி கொடுக்கப்பட்டு வருகிறது.

English summary

Assembly DMK leader and party treasurer M.K.Stalin is suffreing from back ache. He was admitted in Chennai MIOT hospitals and discharged yesterday. Now he is undergoing physiotherapy.