2ஜி ஸ்பெக்ட்ரம் விவகாரத்தில் ப.சிதம்பரத்திற்குத் தொடர்பே இல்லை-காங்.

டெல்லி: 2ஜி ஸ்பெக்ட்ரம் விவகாரத்தில் உள்துறை அமைச்சர் ப.சிதம்பரத்திற்கு எந்தத் தொடர்பும் இல்லை. அவர் விலகுவது என்ற பேச்சுக்கே இடமில்லை என்று காங்கிரஸ் கட்சி தெரிவித்துள்ளது.

இதுகுறித்து காங்கிரஸ் கட்சியின் செய்தித் தொடர்பாளர் ஜனார்த்தன் திவிவேதி கூறுகையில்,

பா.ஜ.க.வின் குற்றச்சாட்டில் உண்மையில்லை. அதற்கு எந்தவித ஆதாரமும் கிடையாது. ஆனால் ஆதாரம் எதுவும் பாஜகவிடம் இருக்குமானால், இந்த விவகாரத்தை விசாரிக்க அமைக்கப்பட்டுள்ள நாடாளுமன்றக் கூட்டுக் குழுவிடம் அதை அளிக்க வேண்டும் என்றார் திவிவேதி.

ப.சிதம்பரம் விவகாரத்தை வைத்து நாடாளுமன்றத்தின் அடுத்த கூட்டத் தொடரை பாஜக முடக்கும் என்ற எதிர்பார்ப்பு தற்போது பலமாக எழுந்துள்ளது.

English summary

Congress has refuted the charges on Home Minister P.Chidambaram linking him with 2g Scam. Party mediaperson Janardan Dwivedi has said, If BJP has any evidence in support of their claim to the JPC, he said.