சவூதி அரசு மருத்துவ மனையில் டாக்டராக பணிபுரிய அரிய வாய்ப்பு

மதுரை: சவூதி அரேபிய அரசு மருத்துவ மனையில் பணிபுரிய சிறப்பு மருத்துவர்கள், கன்சல்டன்ட் ஆகியோர் விண்ணப்பிக்கலாம் என தமிழக அரசின் அயல்நாட்டு வேலைவாய்ப்பு நிறுவனம் கேட்டுக் கொண்டுள்ளது.

இது குறித்து தமிழக அரசின் அயல்நாட்டு வேலைவாய்ப்பு நிறுவனம் வெளியிட்டுள்ள அறிக்கை:

அவசர கால மருத்துவம், தீவிர சிகிச்சைப் பிரிவு ஆகிய பிரிவுகளில் இரண்டு ஆண்டு அனுபவம் பெற்ற, 55 வயதுக்கு உள்பட்ட கன்சல்டன்ட், சிறப்பு மருத்துவர்கள், 45 வயதுக்கு உள்பட்ட மருத்துவர்கள் ஆகியோர் இந்தப் பணியிடங்களுக்கு விண்ணப்பிக்கலாம்.

இதற்கான நேர்முகத் தேர்வு ஐதராபாத், பெங்களூரு, புதுடில்லி ஆகிய இடங்களில் ஜூன் 20 முதல் 30 ம் தேதி வரை நடைபெறும்.

மேற்குறிப்பிட்ட பணியிடங்களுக்கு விண்ணப்பிக்க விரும்புவோர் தங்களது விண்ணப்பத்துடன், கல்வி, அனுபவம், பாஸ்போர்ட் ஆகியவற்றின் நகல் மற்றும் புகைப்படம் ஆகியவற்றை சென்னையில் உள்ள தமிழக அரசின் அயல்நாட்டு வேலைவாய்ப்பு நிறுவனத்திற்கு அனுப்ப வேண்டும்.

இது குறித்து , மேலும் 044 - 2446 4268, 2446 4269 என்ற எண்ணில் தொடர்பு கொண்டு அதிக விபரங்களை பெறலாம்.

English summary

There are some job offers in Saudi Arabia for its Government hospital. Doctors can apply for the job. Chennai based Overseas Manpower Corporation has offered this to TN doctors.