கோவையில் அடுத்த மாதம் 23, 24ம் தேதிகளில் திமுக பொதுக்குழு கூடுகிறது

சென்னை: திமுகவின் முக்கியத்துவம் வாய்ந்த பொதுக் குழுக் கூட்டம் அடுத்த மாதம் கோவையில் நடக்கிறது. சட்டசபைத் தேர்தலில் ஏற்பட்ட படுதோல்விக்குப் பின், காங்கிரஸ்-திமுக உறவு படுபாதாளத்தை நோக்கிப் போய்க் கொண்டிருக்கும் நிலையில் இந்தக் கூட்டம் மிகுந்த முக்கியத்துவம் பெறுகிறது.

சட்டசபை தேர்தலுக்கு பிறகு திமுக உயர்நிலை செயல் திட்டக்குழு கூட்டம் சென்னை அண்ணா அறிவாலயத்தில் திமுக தலைவர் கருணாநிதி தலைமையில் கடந்த 10ம் தேதி நடைபெற்றது.

இந்த நிலையில் கோவையில் திமுக பொதுக்குழு ஜுலை 23, 24 ஆகிய தேதிகளில் நடைபெறும் என்று அறிவிக்கப்பட்டுள்ளது. இது குறித்து திமுக தலைமைக்கழகம் வெளியிட்டுள்ள அறிக்கையில்,

அடுத்த மாதம் (ஜுலை) 23, 24 (சனி, ஞாயிறு) ஆகிய நாட்களில் திமுக பொதுக்குழு கோவை மாநகரத்தில் நடைபெறுகிறது. இடம் பிறகு அறிவிக்கப்படும் என்று அறிவிக்கப்பட்டுள்ளது.

இக் கூட்டத்தில் காங்கிரஸ் உறவு தொடர்பாக முக்கிய முடிவுகள் எடுக்கப்படும் என்று எதிர்பார்க்கப்படுகிறது.

English summary

Important DMK general council meeting is going to be held in Coimbatore next month. This is the first such DMK meeting after the rout in the assembly elections. The meet expected to take important decisions ove Congress- DMK alliance