லாரி வாடகை 10 சதவீதம் உயர்வு...இன்று முதல் அமலுக்கு வருகிறது!!
Subscribe to Oneindia Tamil
டெல்லி: டீஸல் விலை உயர்த்தப்பட்டதைத் தொடர்ந்து லாரி வாடகை 10 சதவீதம் வரை உயர்த்தப்பட்டுள்ளது.
இதனை அகில இந்திய மோட்டார் ரோட் ட்ரான்ஸ்போர்ட் சங்கத் தலைவர் சரண் சிங் லஹோரா இன்று சண்டிகரில் தெரிவித்தார்.
இதனைத் தொடர்ந்து உடனடியாக இந்த வாடகை உயர்வு நடைமுறைக்கு வருகிறது. இதனால் காய்கறி உள்ளிட்ட அனைத்துப் பொருள்களின் விலையும் கடுமையாக உயரும் நிலை ஏற்பட்டுள்ளது.
புதிய கட்டணப்படி, லூதியானாவிலுருந்து மும்பைக்கு வசூலிக்கப்பட்ட கட்டணம் ரூ 22000லிருந்து 25000 ஆக உயர்த்தப்பட்டுள்ளது. இதே போல சென்னை - டெல்லி, மும்பை - டெல்லி மார்க்கங்களிலும் வாடகை உயர்த்தப்பட்டுவிட்டது.
நாடு முழுவதும் 60 லட்சம் லாரிகள் சரக்குகளை சுமந்து செல்கின்றன. இநத வாடகை உயர்வு அனைத்து வழிகளில் இயங்கும் லாரிகளுக்கும் நடைமுறைப்படுத்தப்படுகிறது.
Click it and Unblock the Notifications
Sign in with Google