புதிய அம்சங்களுடன் வோக்ஸ்வேகன் போலோ

டெல்லி: எலக்ட்ரானிக் கன்ட்ரோல் மிரர் உள்ளிட்ட புதிய மாற்றங்களுடன் வோக்ஸ்வேகன் போலோ கார் விற்பனைக்கு வந்துள்ளது.

சிறிய கார் செக்மென்டில் புதிய மாடல் கார்களின் வரவால் இதுவரை இல்லாத அளவுக்கு கடும் போட்டி ஏற்பட்டுள்ளது.

இதனால், பல நிறுவனங்கள் தங்களது சிறிய கார்களில் புதிய அம்சங்களை புகுத்தி மார்க்கெட்டில் களமிறக்கி வருகின்றன.

இந்த வகையில், வோக்ஸ்வேகன் நிறுவனமும், தனது ஹேட்ச்பேக் போலோவை புதிய வசதிகளுடன் களமிறக்கியுள்ளது.

ஸ்டீயரிங் வீலில் கன்ட்ரோல் ஸ்விட்சுகள், எலக்ட்ரானிக் கன்ட்ரோல்டு மிரர் உள்ளிட்ட வசதிகளுடன் புதிய போலோ வருகிறது.

இதனால், போலோ தனது மார்க்கெட்டை தொடர்ந்து தக்கவைக்கும் என வோக்ஸேவேகன் நம்புகிறது.

மார்க்கெட்டில் முன்னணியில் உள்ள டோயோட்டோ மற்றும் ஹோண்டா நிறுவனங்கள் விரைவில் தங்களது சிறிய கார்களை களமிறக்க உள்ளன.

இதனால், தங்கள் சிறிய கார்களின் மார்க்கெட் பறிபோய்விடுமோ என்ற அச்சத்தில் பிற முன்னணி நிறுவனங்கள் சிறிய கார்களில் இதுபோன்ற மாற்றங்களை செய்து வருவதாக ஆட்டோ வல்லுனர்கள் கூறுகின்றனர்.

English summary

Volkswagen has recently made changes in Polo Hatchback car. It recently equiped with electrically adjustable mirrors and steering wheel control switches. When the car was launched in India, it adorned manually adjustable mirrors.