தங்கம் விலை மேலும் சரிவு: சவரனுக்கு ரூ 216 வீழ்ச்சி!
தொடர்ந்து ஏறுமுகத்தில் இருந்த தங்கம் விலை, கடந்த சில நாட்களாக குறைந்து வருகிறது.
நேற்று முன்தினம் மாலை ஒரு பவுன் தங்கம் ரூ.16,536-க்கு விற்பனையானது. நேற்று மாலை ஒரு பவுன் தங்கம் ரூ.16, 320 ஆக குறைந்தது. நேற்று ஒரே நாளில் மட்டும் தங்கம் விலை பவுனுக்கு ரூ.216 குறைந்துள்ளது குறிப்பிடத்தக்கதாகும்.
அமெரிக்க டாலர் மதிப்பு கடந்த சில நாட்களாக குறைந்து வருகிறது. இதனால் தங்கத்தின் விலையில் சரிவு ஏற்பட்டுள்ளது. திருமண சீசன் இல்லாததால் தங்கத்தில் முதலீடு செய்பவர்கள் எண்ணிக்கை குறைந்திருப்பதும் தங்கத்தின் விலை குறைவுக்கு மற்றொரு காரணம் என நகை வியாபாரிகள் தரப்பில் தெரிவிக்கப்பட்டது.
மேலும், தங்கம் விலை உயர்வைப் பயன்படுத்தி பழைய நகைகளை பொதுமக்கள் அதிக அளவில் மார்க்கெட்டில் விற்பனை செய்து வருவதும், இப்போதைய விலை சரிவுக்கு காரணம் என்கிறார்கள். வரும் டிசம்பர் வரை தங்கம் விலை மேலும் குறைய வாய்ப்பு இருப்பதாக வியாபாரிகள் தெரிவித்தனர்.
இது தங்கம் வாங்க நல்ல தருணம் பார்த்துக் கொண்டிருந்த வாடிக்கையாளர்கள் வயிற்றில் பாலை வார்த்திருக்கிறது என்றால் மிகையல்ல!
Click it and Unblock the Notifications
Sign in with Google