திட்டக் கமிஷன் கூட்டத்தில் பங்கேற்க ஜூலை 6ல் டெல்லி செல்கிறார் ஜெயலலிதா
ஆண்டுதோறும் திட்டக் கமிஷன் கூட்டம் டெல்லியில் நடைபெறும். அப்போது மாநிலங்களுக்கான நிதி ஒதுக்கீடு, மாநில அரசின் திட்டங்க் குறித்த பரிசீலனை உள்ளிட்டவை குறித்து சம்பந்தப்பட்ட மாநில முதல்வர்கள் அல்லது நிதியமைச்சருடன் திட்டக் கமிஷன் துணைத் தலைவர் விவாதிப்பார். இதன் அடிப்படையில் மாநிலங்களுக்கு நிதி ஒதுக்கீடு நடைபெறும்.
இந்த நிதியாண்டுக்கான கூட்டம், ஜூலை 6ம் தேதி நடைபெறுகிறது. இதில் ஜெயலலிதா பங்கேற்கவுள்ளார். இதற்காக அவர் 5ம் தேதி டெல்லி செல்லத் திட்டமிட்டுள்ளார். இது தற்காலிக பயணத் திட்டம்தான். தேவைப்பட்டால், முதல்வருக்குப் பதில் நிதியமைச்சர் செல்வார் என்று கூறப்படுகிறது.
முதல்வராகப் பொறுப்பேற்ற பின்னர் ஜூன் 14ம் தேதி டெல்லி சென்ற முதல்வர் ஜெயலலிதா, பிரதமரைச் சந்தித்து தமிழகத்தின் திட்டங்களுக்கு ரூ. 1லட்சம் நிதி மானியமாக தேவை என்று கோரிக்கை விடுத்திருந்தார் என்பது நினைவிருக்கலாம். இதை திட்டக் கமிஷன் கூட்டத்திலும் அவர் வலியுறுத்துவார் என்று எதிர்பார்க்கப்படுகிறது.
Click it and Unblock the Notifications
Sign in with Google