அரசு கேபிள் டிவி கழக நிர்வாக இயக்குனராக எம்.ஜெயராமன் நியமனம்: தமிழக அரசு
மதுரை: அரசு கேபிள் டிவி கழகத்தின் நிர்வாக இயக்குனராக எம். ஜெயராமனை நியமித்து அரசு உத்தரவு பிறப்பித்துள்ளது.
இது குறித்து தலைமைச் செயலாளர் தேபேந்திரநாத் சாரங்கி வெளியிட்டுள்ள அறிக்கையில் கூறியிருப்பதாவது,
தமிழக தொழிலாளர் நலத்துறை கமிஷனர் ஹேமந்த்குமார் சின்ஹா வணிகவரித்துறை கமிஷனராக மாற்றம் செய்யப்பட்டுள்ளார்.
அதே போன்று வணிகவரித்துறை கமிஷனராக இருந்த எஸ்.கிருஷ்ணன் நிதித்துறையின் சிறப்பு செயலாளராக நியமிக்கப்பட்டுள்ளார்.
நிதித்துறை இணை செயலாளர் ஆர்.கிர்லோஷ்குமார் வணிகவரித்துறை இணை கமிஷனராக மாற்றப்பட்டுள்ளார்.
பொதுத்துறை இணைச் செயலாளர் சி.சமயமூர்த்தி வணிகவரித்துறை இணை கமிஷனராக (அமலாக்கம்) மாற்றப்பட்டுள்ளார்.
தொழிலாளர் மற்றும் நியமனத்துறை இணைச்செயலாளர் எம்.ஜெயராமன் அரசு கேபிள் டிவி கழகத்தின் நிர்வாக இயக்குனராக நியமிக்கப்பட்டுள்ளார்.
தகவல் தொழில்நுட்பத் துறை செயலாளர், அரசு கேபிள் டி.வி. கழகத்தின் தலைவராக இருப்பார்.
இவ்வாறு அதில் தெரிவிக்கப்பட்டுள்ளது.
Click it and Unblock the Notifications
Sign in with Google