டாஸ்மாக் மேலாண்மை இயக்குனர் விவேகானந்தன் திடீர் மாற்றம்
மதுரை: டாஸ்மாக் மேலாண்மை இயக்குனர் டி. விவேகானந்தனை அப்பதவியில் இருந்து நீக்கி தமிழக அரசு உத்தரவிட்டுள்ளது.
தமிழகத்தில் புதிதாக பதவியேற்ற அதிமுக அரசு கடந்த மே மாதம் 20-ம் தேதி அன்று தமிழ்நாடு வாணிப கழகத்தின் (டாஸ்மாக்) மேலாண்மை இயக்குனராக டி. விவேகானந்தனை நியமித்தது.
இந்த நிலையில் அவரை திடீர் என்று அப்பதவியில் இருந்து நீக்கி தமிழக அரசு அதிரடி உத்தரவு பிறப்பித்துள்ளது.
டாஸ்மாக் மேலாண்மை இயக்குனர் பொறுப்பை மதுவிலக்கு மற்றும் ஆயத்தீர்வை கமிஷனர் ஹிதேஷ் குமார் மக்வானா கூடுதலாக கவனிப்பார் என்று அந்த உத்தரவில் தெரிவிக்கப்பட்டுள்ளது.
டாஸ்மாக் கடைகளில் பார் வைக்க ஆளும் கட்சி மற்றும் திமுகவைச் சேர்ந்த பலர் மறைமுகமாக முயற்சி செய்து வருகின்றனர். அவர்களுடையை ஆதிக்கத்தை கட்டுப்படுத்த விவேகானந்தனால் முடியவில்லை என்பதால் தான் அவரை தமிழக அரசு மாற்றம் செய்து உத்தரவிட்டுள்ளதாக கூறப்படுகின்றது.
Click it and Unblock the Notifications
Sign in with Google