ஆப்கன் அதிபர் ஹமீத் கர்சாயின் சகோதரர் மெய்க்காப்பாளரால் சுட்டுக்கொலை

காந்தஹார்: ஆப்கானிஸ்தான் அதிபர் ஹமீது கர்சாயின் சகோதரர் அகமது வாலி கர்சாய் இன்று தனது மெய்க்காப்பாளரால் சுட்டுக் கொல்லப்பட்டார்.

ஆப்கானிஸ்தான் அதிபர் ஹமீது கர்சாயின் ஒன்றுவிட்ட சகோதரர் அகமது வாலி கர்சாய். அவர் கந்தகார் மாகாண கவுன்சிலின் தலைவராக இருந்தார். தெற்கு ஆப்கானிஸ்தானில் சக்திவாய்ந்தவர்.

இன்று அவர் தனது வீட்டில் வைத்து சிலருடன் பேசிக் கொண்டிருக்கையில் அவரது மெய்க்காப்பாளர் சர்தார் முகமது என்பவர் திடீர் என்று அகமதை சுட்டுக் கொன்றார் எந்று கந்தகார் மாகாண அரசு செய்தித் தொடர்பாளர் ஜல்மாய் அயூபி தெரிவித்தார்.

அகமது வாலி கர்சாய் சிஐஏவுக்கு பணிகள் செய்தவர் என்பது குறிப்பிடத்தகக்து. இந்த சம்பவத்தால் அங்கு பெரும் பரபரப்பு ஏற்பட்டுள்ளது.

English summary

Afghan president Hamis Karzai's half brother Ahmad Wali Karzai was shot dead by his bodyguard when he was entertaining guests at his home. He was the most powerful man in the southern Afghanistan and a paid asset of the Central Intelligence Agency.