தங்கம் விலை மீண்டும் கிர்ர்..!
சென்னை: தங்கத்தின் விலை மீண்டும் சவரனுக்கு ரூ 168 அதிகரித்தது.
கடந்த சில நாட்களுக்கு முன்பு தங்கம் விலை அதிகரித்து பவுன் ரூ. 17 ஆயிரத்தை தாண்டியது. அதன் பிறகு படிப்படியாக குறைந்து பவுன் ரூ. 16 ஆயிரத்து 240 வரை இறங்கியது.
கடந்த சனிக்கிழமை மீண்டும் அதிகரிக்க தொடங்கிய தங்கம் ஒரு பவுன் ரூ. 16 ஆயிரத்து 768 ஆக விற்றது.
நேற்று ஒரே நாளில் பவுனுக்கு ரூ. 232 அதிகரித்து ரூ. 16 ஆயிரத்து 800-க்கு விற்கப்பட்டது. இன்று மீண்டும் பவுனுக்கு ரூ. 168 அதிகரித்து ரூ. 16 ஆயிரத்து 968 ஆக உள்ளது. ஒரு கிராம் ரூ. 2,121-க்கு விற்கிறது. ஒரு பவுன் தங்கம் மீண்டும் ரூ. 17 ஆயிரத்தை நெருங்கி விட்டது.
இந்த விலை உயர்வுக்கு சர்வதேச சந்தையில் ஏற்பட்டுள்ள விலை மாற்றமும், டாலருக்கு நிகரான இந்திய ரூபாயின் மதிப்பு அதிகரிப்பும் காரணம் என கூறப்படுகிறது.
இன்று ஒரு கிலோ வெள்ளி ரூ. 53 ஆயிரத்து 650 ஆகவும், ஒரு கிராம் ரூ. 57-40 ஆகவும் விற்பனையானது.
Click it and Unblock the Notifications
Sign in with Google