ஒபாமாவுடன் விருந்து சாப்பிட கட்டணம் ரூ. 16 லட்சம்... நீங்க ரெடியா?

நியூயார்க்: அமெரிக்க அதிபர் ஒபாமாவுடன் விருந்து சாப்பிட ரூ. 16 லட்சம் கட்டணம் நிர்ணயிக்கப்பட்டுள்ளது.

அமெரிக்க அதிபர் ஒபாமாவின் 50-வது பிறந்தநாள் வரும் ஆகஸ்ட் மாதம் 4-ம் தேதி கொண்டாடப்படுகிறது. ஒபாமாவின் பிறந்தநாள் கொண்டாட்டங்கள் சிகாகோவில் நடக்கவிருக்கிறது.

2012-ம் ஆண்டு டிசம்பர் மாதத்தில் அதிபர் தேர்தல் நடக்கவிருப்பதால் இந்த பிறந்தநாள் கொண்டாட்டத்தில் நிதி திரட்ட முடிவு செய்துள்ளார் ஒபாமா.

அதிபர் ஒபாமா தனது பிறந்தநாளையொட்டி ஆகஸ்ட் 3-ம் தேதி சிகாகோவில் உள்ள ஆரகன் ஹாலில் ஆடம்பரமான விருந்து மற்றும் இசை நிகழ்ச்சிக்கு ஏற்பாடு செய்துள்ளார்.

இந்த விருந்தில் திரைப் பிரபலங்கள், அரசியல்வாதிகள் உள்பட பல முக்கியமானவர்கள் கலந்துகொள்ளவிருக்கின்றனர். இதில் பங்கேற்க விரும்பும் ஒரு தம்பதி ரூ. 16 லட்சம் தெலுத்த வேண்டும். இதில் நுழைவுக் கட்டணம் ரூ. 2 ஆயிரத்து 500, மது மற்றும் விருந்திற்கு ரூ. 4 ஆயிரத்து 500, ஒபாமாவுடன் போட்டோ எடுப்பதற்கு ரூ. 45 ஆயிரம் என பல்வேறு கட்டணங்கள் அடக்கம்.

English summary

US prez Barack Obama is turning 50 on august 4. He has planned for an elaborate birthday party to raise fund for the 2012 presidential election. This party will be take place at Aragon, a historic ballroom in uptown Chicago on august 3.