இங்கிலாந்தில் 15ல் அப்பா, 29ல் தாத்தாவான இளைஞர்

லண்டன்: இங்கிலாந்தில் 29 வயதில் ஒருவர் தாத்தா ஆகியுள்ளார். இதையடுத்து இங்கிலாந்தில் மிகக் குறைந்த வயதில் தாத்தா ஆனவர் என்ற பெருமையைப் பெற்றுள்ளார்.

இங்கிலாந்தின் வேல்ஸ் பகுதியில் உள்ள பிரிட்ஜென்டைச் சேர்ந்தவர் ஷெம்டேவிஸ் (29). அவரது மகள் தியா (14). தியா தன்னுடன் படிக்கும் 15 வயது மாணவனுடன் நெங்கிப் பழகியதில் கர்ப்பமானாள். இதையடுத்து கடந்த சில நாட்களுக்கு முன் ஒரு அழகிய பெண் குழந்தையை பெற்றெடுத்தாள்.

இதன் மூலம் ஷெம்டேவிஸ் 29 வயதிலேயே தாத்தாவாகியுள்ளார். இதில் விந்தை என்னவென்றால் டேவிஸ் தனது 14 வயதில் உடன் படித்த செல்லி என்ற மாணவியுடன் பழகியதில் தான் தியா பிறந்தாள். தியா பிறந்தபோது டேவிஸுக்கு வயது 15.

இளம் வயதில் தாத்தாவிகயுள்ளது பற்றி டேவிஸ் கூறியதாவது,

தியாவே ஒரு குழந்தை இந்நிலையில் அவளுக்கே ஒரு குழந்தையா என்று நினைக்கையில் அதிர்ச்சியாகவும், ஆச்சரியமாகவும் உள்ளது. எனது மகள் கர்ப்பம் அடைந்த செய்தி கேட்டு திடுக்கிட்டேன். ஆனால் நான் 14 வயதில் செய்த அதே தவறைத் தான் என் மகளும் செய்திருக்கிறாள் என்று நினைத்து சமாதானம் ஆனேன் என்றார்.

இது குறித்து தியாவின் தாய் செல்லி கூறுகையில், நான் எந்த தவறு நடந்துவிடக்கூடாது என்று பயந்தேனோ அது நடந்துவிட்டது. நான் செய்த தவறையே என் மகளும் செய்துவிட்டாள். இதுபோன்று செய்யக்கூடாது என்று எச்சரித்தும் செய்திருக்கிறாள் என்றார்.

English summary

A 29-year old Britisher has become grandpa at this young age. The wierd thing is he became a father at the tender age of 15. Now his daughter Diya has given birth to a baby girl at the same age like her father.