இன்னும் 6 குண்டுகள் வெடிக்காமல் உள்ளனவா? - பீதியில் மும்பைவாசிகள்

மும்பை: மும்பையில் மேலும் 6 இடங்களில் வைக்கப்பட்ட குண்டுகள் இன்னும் வெடிக்காமல் இருப்பதாக செய்திகள் பரவியதால் அங்கு பெரும் பரபரப்பு ஏற்பட்டது.

மும்பையில் கடந்த 13-ம் தேதி 3 இடங்களில் குண்டுகள் வெடித்தன. இதில் 19 பேர் பலியாகினர், 100-க்கும் மேற்பட்டோர் காயம் அடைந்தனர். குண்டுகள் வெடித்ததால் மும்பை மக்கள் பீதியடைந்தனர்.

இதையடுத்து அங்கு அவ்வப்போது புரளிகள் கிளம்பி மக்களை மேலும் பீதியடைச் செய்து வருகிறது. முதலில் 2 இடங்களில் வெடிக்காத நிலையில் இருந்த குண்டுகள் கண்டுபிடிக்கப்பட்டதாகத் தகவல் வெளியானது. பின்னர் அது வெறும் புரளி என்று தெரிய வந்தது.

இந்நிலையில் மேலும் 6 இடங்களில் குண்டுகள் வைக்கப்பட்டிருப்பதாகவும், அவை வெடிக்ககாமல் இருப்பதாகவும் நேற்று தகவல்கள் வெளியாகின. இதனால் மக்களிடையே பெரும் பரபரப்பு ஏற்பட்டது.

அவ்வாறு குண்டுகள் எதுவும் இல்லை என்றும், அது வெறும் புரளி தான் என்றும் உண்மையை எடுத்துக்கூறி போலீசார் மக்களை அமைதிப்படுத்தினர். மேலும், இதுபோன்ற புரளிகளை நம்ப வேண்டாம் என்று மக்களை கேட்டுக் கொண்டனர்.

போலீசாரின் உறுதிமொழிக்குப் பிறகே மக்கள் நிம்மிதி பெருமூச்சுவிட்டனர்.

English summary

Miscreants are spreading rumours in Mumabi after ther triple blasts on july 13. News spread that 6 more bombs are there in Mumbai and yet to blast. People got panicked. Police found out it to be a rumour and calmed down the people.