தாறுமாறான தங்கம் விலை... ஆர்வமிழந்த மக்கள்!

சென்னை: தங்கம் விலை நிலை தாறுமாறாக உயர்வதும் குறைவதுமாக உள்ளது. இநத் நிலையற்ற தன்மையால் தங்கத்தை வாங்குவதில் மக்கள் ஆர்வம் குறைந்து காணப்படுகின்றனர்.

தங்கம் விலை கடந்த சில தினங்களாக ஏறுமுகமாகவே இருந்து வந்தது. நேற்று விலை சற்று சரிந்து இருந்தது. ரூ 160 வரை நேற்று விலை குறைந்தது. இதனால் மாலையில் ஒரு பவுன் ரூ. 17,296 ஆக விற்பனையானது.

ஆனால் இன்று தங்கம் விலை மீண்டும் அதிகரித்தது. ஒரு பவுனுக்கு ரூ. 152 உயர்ந்தது. இன்று காலை ஒரு கிராம் ரூ. 2,181-க்கும், ஒரு பவுன் ரூ. 17,448-க்கும் விற்கப்பட்டது.

தங்கத்தின் விலையில் காணப்படும் இந்த நிலையற்ற தன்மை மக்களை சோர்வடைய வைத்துள்ளது. ஆனால் இன்னும் சிறிது காலத்துக்கு இதே நிலை தொடரும் என நகை வியாபாரிகள் கூறுகின்றனர்.

English summary

Gold price increased up to Rs 152 on Thursday due to global trends. In Chennai, Gold selling price is Rs 17448 per sovereign today.