மிளகாய் வத்தல் குவிண்டாலுக்கு ரூ.500 உயர்வு- துவரம் பருப்பு விலை சரிவு

விருதுநகர்: ஏசி மிளகாய் வத்தல் குவிண்டாலுக்கு ரூ.500 வரை உயர்ந்துள்ளது. பர்மா துவரை இறக்குமதியால் துவரம் பருப்பு மூட்டைக்கு ரூ.300 வரை சரிந்துள்ளது.

குண்டூர் ஏசி குடோன்களில் மிளகாய் வத்தல் இருப்பு 25 லட்சம் மூட்டைகளாக குறைந்ததாலும் தேனி, சங்கரன்கோவில் பகுதிகளில் மிளகாய் வத்தல் விளைச்சல் பரப்பளவு சரிவாலும் மிளகாய் வத்தல் விலை தொடர் ஏற்றம் கண்டு வருகிறது. குண்டூர் ஏசி வத்தல் குவிண்டால் ரூ.9,500-ல் இருந்து ரூ.10,000-க அதிகரித்துள்ளது. வெளிசந்தையில் ஒரு கிலோ வத்தல் ரூ.120-க்கு விற்பனையாகிறது.

மல்லி போதிய வரத்து இல்லாததால் 40 கிலோ மூட்டைக்கு ரூ.100 விலை அதிகரித்துள்ளது. ரூ.2600 முதல் ரூ.2800 வரை விற்ற நாட்டு மல்லி தற்போது ரூ.2700 முதல் ரூ.2900 வரை விற்கப்படுகிறது. ரூ.2100 முதல் ரூ.2200 வரை விற்பனையான மல்லி ரூ.2200 முதல் ரூ.2300 வரை விற்பனையானது.

பாமாயில் விலை குறைந்துள்ளதால் கடலை எண்ணெய் விற்பனை மந்தமாகி டின்னுக்கு ரூ.10 சரிந்துள்ளது. பாமாயில் 15 கிலோ டின் ரூ.890, கடலை எண்ணெய் டின் ரூ.1525-ல் இருந்து ரூ.1515 என குறைந்துள்ளது. பர்மாவில் இருந்து 3 லட்சம் மூட்டை வரத்து காரணமாக துவரம் பருப்பு மூட்டைக்கு ரூ.300 வரை குறைந்துள்ளது. இறக்குமதி பர்மா துவரை ரூ.2400-ல் இருந்து ரூ.3000-ஆகவும், துவரம் பருப்பு லயன் ரூ.5500-ஆகவும், பர்மா துவரம் பருப்பு ரூ.3500-ஆகவும், உடைசல் பருப்பு ரூ.4400-ஆகவும் விலை குறைந்துள்ளது.

விருதுநகர் மார்க்கெட்டில் நேற்றைய விலை நிலவரம், உளுந்து (100கிலோ) கோவில்பட்டி ரூ.4300, பர்மா பருவட்டு ரூ.4000, பொடி ரூ.3500, உருட்டு உளுந்தம்பருப்பு ரூ.6000, பர்மா பருவட்டு ரூ.5400, பொடி ரூ.4900, தொளி ரூ.4800 என விலை சரிந்துள்ளது.

பாசிப்பயிறு (100 கிலோ) கோவில்பட்டி ரூ.3100, ஆந்திரா பயிறு ரூ.3900, இறக்குமதி பயறு ரூ.3200, பாசிப்பருப்பு லயன் ரூ.5500, கோவில்பட்டி ரூ.5100, நாடு ரூ.4800, இறக்குமதி பருப்பு ரூ.5100 என விற்பனையானது.

English summary

Red chilli prices have increased by Rs. 500 per quintal. While toor dhal, groundnut oil prices have decreased.