அரசு பஸ் டிரைவர் படுகொலை: கேரளா- தமிழக பஸ் போக்குவரத்து பாதிப்பு

கன்னியாகுமரி: கேரளாவில் அரசு பேருந்துக் கழக டிரைவர் ஒருவர் படுகொலை செய்யப்பட்டதையடுத்து அங்கு பஸ் டிரைவர்கள் போராட்டத்தில் குதித்துள்ளனர். இதனால் தமிழகம், கேரளா இடையே பஸ் போக்குவரத்து பாதிக்கப்பட்டுள்ளது.

கேரளாவில் அரசுப் போக்குவரத்துக் கழக டிரைவர் ஒருவர் படுகொலை செய்யப்பட்டார். இதனால் அங்கு அரசுப் போக்குவரத்துக் கழக ஊழியர்கள் ஸ்டிரைக்கில் குதித்துள்ளனர். ஆர்ப்பாட்டத்திலும் ஈடுபட்டுள்ளனர்.

இதையடுத்து கேரளத் தலைநகர் திருவனந்தபுரத்திலிருந்து தமிழகத்திற்கு அரசுப் பேருந்துகள் எதுவும் வரவில்லை. அதேபோல தமிழகத்திலிருந்தும் எந்தப் பேருந்தும் செல்லவில்லை.

இதனால் தமிழகப் பேருந்துகள் களியக்காவிளை வரை மட்டுமே இயக்கப்படுகின்றன. அதேபோல நாகர்கோவிலிலிருந்து திருவனந்தபுரம் செல்லும் பேருந்துகளும் இயக்கப்படவில்லை.

கேரளாவில் பதட்டம் தணிந்த பின்னரே பேருந்துப் போக்குவரத்து இயல்பு நிலைக்குத் திரும்பும் என அதிகாரிகள் அறிவித்துள்ளனர்.

English summary

Govt bus transport between Tamil Nadu and Kerala has been affected in Kanniyakumari area. A govt bus driver has been murdered in Kerala. So the transport staffs are striking duty. All TN Buses are plying upto Kaliyakkavilai.