தமிழக அரசின் செய்தி மக்கள் தொடர்புத் துறை செயலாளராக ராஜாராம் நியமனம்
மதுரை: தமிழக அரசின் தமிழ் வளர்ச்சி, அறநிலையத்துறை மற்றும் செய்தி மக்கள் தொடர்புத்துறை செயலாளராக ராஜாராம் நியமிக்கப்பட்டுள்ளார்.
இது குறித்து தலைமைச் செயலாளர் பிறப்பித்துள்ள உத்தரவில், தமிழ் வளர்ச்சி, அறநிலையத் துறை மற்றும் செய்தி மக்கள் தொடர்புத்துறையின் செயலாளராக இருந்த, டி.என்.ராமநாதன், உணவு, கூட்டுறவு மற்றும் நுகர்வோர் பாதுகாப்புத்துறைச் செயலாளராக மாற்றப்பட்டுள்ளார்.
செய்தி மக்கள் தொடர்புத் துறை இயக்குனராகப் பணியாற்றி வந்த ராஜாராம், தமிழ் வளர்ச்சி, அறநிலையத் துறை மற்றும் செய்தி மக்கள் தொடர்புத்துறையின் செயலாளராக நியமிக்கப்பட்டுள்ளார். இவர், செய்தி மக்கள் தொடர்புத்துறையின், கமிஷனராகவும் செயல்படுவார்.
உணவு மற்றும் கூட்டுறவுத் துறை செயலாளராக பணியாற்றிய ஜதீந்திரநாத் ஸ்வெயின் அங்கிருந்து மாற்றப்பட்டு, காதி மற்றும் கிராமத் தொழில் வாரிய, முதன்மைச் செயல் அதிகாரியாக நியமிக்கப்பட்டுள்ளார்.
இவ்வாறு அந்த உத்தரவில் கூறப்பட்டுள்ளது.
Click it and Unblock the Notifications
Sign in with Google