முதல் காலாண்டில் அப்போலோ டயர்ஸ் லாபம் 4% உயர்வு
டயர் உற்பத்தியில் முக்கிய மூலப்பொருளாக பயன்படும் இயற்கை ரப்பரின் விலை வரலாறு காணாத வகையில் தொடர்ந்து உயர்ந்து வருகிறது.
இதனால், டயர் உற்பத்திக்கான உற்பத்தி செலவீனம் பன்மடங்கு உயர்ந்தது. இதைத்தாக்கு பிடிக்க முடியாத டயர் நிறுவனங்கள் தொடர்ந்து விலையேற்றத்தை அறிவித்து வருகின்றன.
இந்த நிலையில், பல்வேறு சிக்கன நடவடிக்கைகள் மற்றும் விலையேற்றங்களின் புண்ணியத்தால், நடப்பு நிதி ஆண்டின் முதல் காலாண்டில் அப்போலோ டயர்ஸ் நிகர லாபம் 4 சதவீதம் உயர்ந்துள்ளது.
கடந்த நிதி ஆண்டின் முதல் காலாண்டில் ரூ.74 கோடியை லாபமாக ஈட்டிய அந்த நிறுவனம், தற்போது ரூ.77 கோடியை லாபமாக ஈட்டியுள்ளது.
இதில், குறிப்பிட்டாக வேண்டிய விஷயம் அந்த நிறுவனத்தின் மொத்த விற்பனை வருவாய் 55 சதவீதம் அதிகரித்துள்ளது. கடந்த ஆண்டு இதேகாலகட்டத்தில் ரூ.1,820 கோடியாக இருந்த அந்த நிறுவனத்தின் மொத்த வருவாய் தற்போது ரூ.2,822 கோடியாக உயர்ந்துள்ளது.
Click it and Unblock the Notifications
Sign in with Google