சோனியா இல்லாததால் ராகுல் தலைமையில் காங்கிரஸ் சுதந்திர தினக் கொண்டாட்டம்?

டெல்லி: சோனியா காந்தி உடல் நலம் பாதிக்கப்பட்டு அமெரிக்க மருத்துவமனையில் அனுமதிக்கப்பட்டிருப்பதால் அவருக்குப் பதில் அவரது மகனும், காங்கிரஸ் பொதுச் செயலாளருமான ராகுல் காந்தி தலைமையில் டெல்லியில் நாளை காங்கிரஸ்கட்சி சுதந்திர தினத்தைக் கொண்டாடும் எனத் தெரிகிறது.

அதேசயம் பல மூத்த தலைவர்கள் உள்ள நிலையில் ராகுல் காந்தி கொடியேற்ற மாட்டார் என்றும் கூறப்படுகிறது. ஒரு வேளை ராகுல் காந்தி கொடியேற்ற மறுப்பு தெரிவித்தால் மூத்த தலைவரான மோதிலால் வோரா கொடியேற்றுவார் என்று தெரிகிறது. கடந்த ஜனவரி 26ம் தேதி குடியரசு தினத்தின்போது சோனியா காந்தி உடல் நலமில்லாமல் இருந்ததால் அவருக்குப் பதில் வோராதான் கொடியேற்றி வைத்தார் என்பது நினைவிருக்கலாம்.

சோனியா காந்தி அமெரிக்காவுக்குப் போகும் முன்பு ராகுல் காந்தி, அகமது படேல், ஏ.கே.அந்தோணி, ஜனார்த்தின் திவிவேதி ஆகிய நால்வர் அடங்கிய குழுவை நியமித்துவிட்டுச் சென்றிருந்தார் என்பது நினைவிருக்கலாம்.

English summary

Since Sonia Gandhi is staying in US for treatment, her son and party General secretary may hoist the national flag in the Congress HQ tomorrow.