அன்னா போராட்டத்தின் விளைவால் தேசியக் கொடிகளுக்கு கிராக்கி-ஒரு கொடி ரூ. 500 விற்பனை

டெல்லி: அன்னா ஹஸாரேவின் போராட்டத்தால் ஈர்க்கப்பட்டு நாடு முழுவதும் மக்கள் போராட்டங்களில் குதித்திருப்பதால் தேசியக் கொடிக்கு பெரும் கிராக்கி ஏற்பட்டுள்ளது. சின்னக் கொடி முதல் பெரிய கொடி வரை பெருமளவில் விற்பனையாகி வருகிறது. கொடிகள் பற்றாக்குறை ஏற்பட்டு கூடுதல் கொடிகள் கேட்டு ஆர்டர் கொடுக்கும் அளவுக்கு நிலைமை போயுள்ளது.

ஊழலை எதிர்த்து அன்னா ஹஸாரேவும் அவரது குழுவினரும் போராடி வருகின்றனர்.அவர்களுடன் இணைந்து மக்களும் தற்போது ஆங்காங்கே போராட்டத்தில் குதித்துள்ளனர். போராட்டத்தில் ஈடுபடும் அனைவரும் தேசியக் கொடிகளுடன்தான் களத்தில் இறங்கியுள்ளனர்.

சின்னக் கொடி முதல் பெரிய கொடி வரை தேசியக் கொடிகளுடன் அவர்கள் ஊர்வலம், உண்ணாவிரதம், ஆர்ப்பாட்டம் என்று ஈடுபட்டுள்ளனர். இதனால் தேசியக் கொடிகளுக்கு பெரும் கிராக்கியும், பற்றாக்குறையும் ஏற்பட்டுள்ளது.

டெல்லியில் இந்தியா கேட், ராம் லீலா மைதானம், ராஜ்காட் உள்ளிட்ட பல இடங்களில் தேசியக் கொடிகள் விற்பனை செய்யப்படுகிறது. சின்னக் கொடி முதல் பெரிய கொடி வரை இங்கு விற்கப்படுகிறது. இவை அனைத்தும் வழக்கமான விலையை விட கூடுதல் விலை வைத்து விற்கப்படுகிறது.

சாதாரணமாக ரூ. 250க்கு விற்கப்படும் நடுத்தர ரக தேசியக் கொடி தற்போது 500 ரூபாய்க்கு விற்கப்படுகிறதாம். கொடிகள் போதுமான அளவில் ஸ்டாக் இல்லாததால் கொடி விற்பனையாளர்கள் கூடுதல் கொடிகளைக் கேட்டு உற்பத்தியாளர்களிடம் ஆர்டர் கொடுத்துள்ளனராம்.

வழக்கமாக சுதந்திர தினத்தையொட்டி தேசியக்கொடிகள் பெருமளவில் விற்பனை செய்யப்படும். தற்போது அன்னாவின் போராட்டம் காரணமாக ஏற்கனவே கூடுதலான கொடிகளை அச்சிட்டு விற்பனைக்கு அனுப்பியிருந்தனர். அவை அனைத்தும் தீர்ந்து விட்டதால் தற்போது புதிதாக பெருமளவில் கொடிகளை அச்சிடும் பணி முடுக்கி விடப்பட்டுள்ளதாம்.

நாட்டின் பல பகுதிகளும் கொடிகள் அச்சிடும் பணி முழுவேகத்தில் நடந்து வருவதாகவும், பெருமளவில்ஆர்டர்கள் குவிந்து வருவதாகவும் உற்பத்தியாளர்கள் தெரிவிக்கின்றனர்.

தற்போது குறைந்தது ரூ. 50 முதல் ரூ. 500 வரை கொடிகள் விற்பனையாகிறதாம்.

இப்படி தேசியக் கொடிகள் பெருமளவில் புழக்கத்தில் இருப்பதால் கொடிகளை அவமதிக்கும் வகையில் யாரேனும் நடந்து கொண்டால் அவர்கள் மீது தேசியக் கொடி சட்டத்தின் கீழ் நடவடிக்கை எடுக்கப்படும் என்று போலீஸார் எச்சரித்துள்ளனர்.

English summary

After Anna Hazare stirred a revolution across nation, one thing worth noticeable in the national capital are the wavering national flags across roads. “We have run out of stock. It is not only youth organizations that are asking for the Tricolour. Even college students and parents are queuing up. The flag which costs Rs 250 a piece is now selling for Rs 500. The cheapest is for Rs 50, but people are willing to pay more. We have now asked for more stocks,'' said Sharad Kumar, a flag-seller, Sadar Bazar in a Times of India article.