'செக்ஸ் டூரிஸம் தலைநகர்' பெயரை 'கழற்றிவிட' தாய்லாந்து தீவிரம்

பனாஜி: உலகின் 'செக்ஸ் டூரிஸம்' தலைநகர் என்ற பெயர் வாங்கியுள்ள தாய்லாந்து அந்தப் பெயரை 'கழற்றிவிட' பெரும் முயற்சிகளில் ஈடுபட்டுள்ளது.

'செக்ஸ் டூரிஸம்' தலைநகர் என்ற பெயருக்குப் பதிலாக 'குடும்ப டூரிஸம் தலைநகர்' என்ற பெயரைப் பெற முயற்சிகள் மேற்கொள்ளப்பட்டு வருவதாக அந் நாட்டுக்கான இந்தியத் தூதரகம் தெரிவித்துள்ளது.

கோவா தலைநகர் பனாஜியில் நடந்த தாய்லாந்து சுற்றுலா மேம்பாட்டு விழாவில் பேசிய அந் நாட்டுத் தூதர் டாம்விட் ஜார்ன்சன், நாங்கள் என்ன பெயரை ('செக்ஸ் டூரிஸம் தலைநகர்') வாங்கியிருக்கிறோம் என்பது எங்களுக்கும் உங்களுக்கும் நன்றாகவே தெரியும். அதிலிருந்து விடுபட பல்வேறு முயற்சிகளை அரசு எடுத்து வருகிறது.

விரைவிலேயே குடும்ப சுற்றுலா தலைநகர் என்ற பெயரை வாங்கிக் காட்டுவோம். அதற்காகத் தான் உலகம் முழுவதும் இதுபோன்ற நிகழ்ச்சிகளை ஏற்பாடு செய்து, தாய்லாந்தில் குடும்பத்தோடு கண்டு களிக்கக் கூடிய இடங்கள் குறித்த விழிப்புணர்வை ஏற்படுத்தி வருகிறோம் என்றார்.

English summary

Arguably called the sex tourism capital of the world, Thailand is now deliberately using the family tourism label to shed the sex destination tag, a Thai diplomat said. Speaking to the media on the sidelines of an event organised in Panaji to promote Thailand as a tourism destination, Tomwit Jarnson, the Thai consul general in Mumbai, said family tourism would eventually edge Thailand away from the slur of 'sex tourism' in the years to come.