தங்கம் விலை: ரூ 392 குறைந்தது!

மிகக் கடுமையாக உயர்ந்து வந்த தங்கத்தின் விலையில் நேற்று லேசான வீழ்ச்சி காணப்பட்டது.

நேற்று காலை சவரனுக்கு ரூ 392 வரை குறைந்தது தங்கம். ஆனால் கடந்த இரு வாரங்களில் ஏறிய விலையோடு ஒப்பிடுகையில் இது மிகவும் குறைவுதான்.

சென்னையில் தங்கம் கிராம் ரூ 2581-ஆகவும், சவரன் ரூ 20648 ஆகவும் விற்பனையானது. 24 காரட் தங்கத்தின் விலை 10 கிராம் ரூ.27,600 ஆக உள்ளது.

ஒரு கிராம் வெள்ளி ரூ.68.50 ஆகவும், பார் வெள்ளி விலை ரூ.64000 ஆகவும் உள்ளது.

தங்கத்தின் விலை அடுத்த மாத வாக்கில் ஓரளவு குறைய வாய்ப்பிருப்பதாக வர்த்தகர்கள் தெரிவித்தனர். அரசு தலையிட்டு ஆன்லைன் வர்த்தகத்தை கட்டுப்படுத்தினால், தங்கம் விலை மேலும் குறைய வாய்ப்புள்ளது என்றும் தெரிவித்தனர்.

English summary

Gold rate declined today by 382 per sovereign in Chennai market. The selling price of gold is now Rs 2681 per gram.