குடிபோதையில் கார் ஓட்டிய அமெரிக்க அதிபர் ஒபாமாவின் சித்தப்பா கைது

By Siva

Published: Tuesday, August 30, 2011, 15:59 [IST]

Subscribe to Oneindia Tamil

மாசசூசெட்ஸ்: குடிபோதையில் கார் ஓட்டயதற்காக அமெரிக்க அதிபர் பாரக் ஒபாமாவின் சித்தப்பா கைது செய்யப்பட்டார்.

அமெரிக்க அதிபர் பாரக் ஒபாமாவின் தந்தையின் ஒன்றுவிட்ட சகோரர் ஆன்யாங்கோ ஒபாமா (67). கடந்த வெள்ளிக்கிழமை ஆன்யாங்கோ குடிபோதையில் கார் ஓட்டினார். ஆன்யாங்கோ சிக்னலில் சிவப்பு விளக்கு எரிவதைக் கவனிக்காமல் ஓட்டிச் சென்று போலீஸ் காரின் மீது மோதப் பார்த்தார். அப்போது அவரை பிராமின்காம் போலீசார் கைது செய்தனர்.

நீங்கள் யாருக்காவது போன் செய்ய விரும்புகிறீர்களா என்று போலீசார் கேட்டதற்கு வெள்ளை மாளிகையைத் தொடர்பு கொள்ள விரும்புகிறேன் என்று கூறியுள்ளார். அவர் கென்யாவைச் சேர்ந்தவர் என்பது குறிப்பிடத்தக்கது. இதையடுத்து அவரை குடியேற்ற அதிகாரிகளிடம் ஒப்படைத்தனர்.

அவர் மீது ஜாமீனில் வெளியே வரமுடியாதவாறு வழக்கு பதிவு செய்யப்பட்டுள்ளது.

Published On August 30, 2011