நியூ மெக்ஸிகோ: கார் மீது பெண்ணுடன் சீருடையில் செக்ஸ் உறவு- அமெரிக்க போலீஸ் அதிகாரி சஸ்பெண்ட்

நியூ மெக்ஸிகோ: அமெரிக்காவின் நியூ மெக்ஸிகோ மாகாணத்தில், பணியில் இருந்த ஒரு போலீஸ் அதிகாரி, சீருடையிலேயே காரின் முன்பக்க மேற்பகுதியில் ஒரு பெண்ணை ஏற்றி வைத்து அவருடன் செக்ஸ் உறவில் ஈடுபட்ட சம்பவம் அங்கு பரபரப்பை ஏற்படுத்தியுள்ளது. போலீஸ் கண்காணிப்புக் கேமராவில் இந்த்க காட்சி பதிவாகியுள்ளது. இதையடுத்து அந்த அதிகாரி சஸ்பெண்ட் செய்யப்பட்டார்.

இருப்பினும் அவர் மீது கிரிமினல் வழக்கு எதுவும் பதிவு செய்யப்படாது என்று நியூ மெக்ஸிகோ மாகாண காவல்துறை தலைவர் டிம் ஜான்சன் கூறியுள்ளார். இது பணி நேரத்தின்போது விதிமுறைகளை மீறி நடந்த செயல் மட்டுமே தவிர கிரிமினல் செயல் அல்ல என்பதால் அவர் மீது கிரிமினல் நடவடிக்கை எதுவும் எடுக்கப்பட மாட்டாது என்றார்.

சிக்கிய அதிகாரி தற்போது சம்பளத்துடன் கூடிய விடுப்பில் (சஸ்பெண்ட் உத்தரவுக்குத்தான் அங்கு அப்படி ஒரு பெயர்) அனுப்பப்பட்டுள்ளார். அவர் மீது ஒழுங்கு நடவடிக்கை எடுப்பது குறித்த விசாரணை தொடங்கியுள்ளது என்றும் அவர் கூறினார்.

மேலும் அவர் கூறுகையில், தனது சுயநலனுக்காக அவர் செய்த செயலால் காவல்துறைக்குக் கெட்ட பெயராகி விட்டது. அவரது செயலால் மிகவும் தர்மசங்கடமான நிலை ஏற்பட்டுள்ளது. இருப்பினும் இந்த தவறான பெயரிலிருந்து எங்களை விடுவித்துக் கொண்டு மீண்டும் நல்ல பெயரை ஈட்ட கடுமையாக பாடுபடுவோம் என்றார் ஜான்சன்.

கார் மீது செக்ஸ் உறவு கொண்ட காவல்துறை அதிகாரியின் பெயர் உள்ளிட்ட விவரங்கள் தெரிவிக்கப்படவில்லை. இருப்பினும் சான்டா பே என்ற கடற்கரை ரிசார்ட்டுக்கு அருகில்தான் இந்த சம்பவம் நடந்துள்ளது. கடந்தி ஜூலை மாதக் கடைசியில் அல்லது ஆகஸ்ட் மாதத் தொடக்கத்தில் இது நடந்திருப்பதாக தெரிகிறது.

English summary

A New Mexico State Police officer was caught having sex on camera while on duty in full uniform. Photos and surveillance show the unidentified officer having sex with a woman on the hood of his car in late July at the turnoff to the Santa Fe Canyon Ranch. But he will not face any criminal charges, police said on Thursday.