லாரி- ஆம்னி பஸ் மோதி எரிந்த விபத்தில் 2 பேர் பலி; 18 பேர் காயம்

நீலம்பூர்: கோவையில் ஆம்னி பஸ் மீது லாரி மீன் லாரி மோதிய விபத்தில் 2 பேர் பலியாகினர்.

கோவை மாவட்டம், மதுக்கரை-நீலம்பூர் பைபாஸ் சாலை வழியாக கேரளாவிற்கு லாரி ஒன்று மீன் லோடு ஏற்றி சென்றது. அப்போது, எதிரே கோட்டயத்தில் இருந்து பெங்களூருக்கு சென்ற ஆம்னி பஸ் லாரி மீது மோதியது. அதில் 2 வாகனங்களும் தீப்பற்றி கொண்டு எரிந்தது.

இதில் 2 வாகனங்களும் முழுமையாக எரிந்து நாசமானது. தகவல் அறிந்து சம்பவ இடத்திற்கு விரைந்து வந்த போலீசார் மற்றும் தீயணைப்பு வீரர்கள் மீட்பு பணிகளில் ஈடுபட்டனர்.

விபத்தின் போது, லாரி டிரைவர் மற்றும் பஸ் பயணி ஒருவர் சம்பவ இடத்திலேயே பலியாகினர். மேலும் ஆம்னி பஸ்சில் பயணித்த 8 பெண்கள் உட்பட 18 பேர் காயமடைந்தனர். காயமடைந்தவர்கள் அருகில் உள்ள மருத்துவமனைகளில் சிகிச்சை அளிக்கப்பட்டது.

English summary

A Lorry and a bus met with an accident in Coimbatore and burnt. Lorry driver and a passenger in the bus died on the spot. 18 people were injured.