சோனியா காந்தி அமெரிக்காவில் இருந்து இன்று நாடு திரும்பலாம்

By Siva

Published: Tuesday, September 6, 2011, 10:09 [IST]

Subscribe to Oneindia Tamil

டெல்லி: அமெரிக்காவில் அறுவை சிகிச்சை செய்து கொண்ட காங்கிரஸ் தலைவர் சோனியா காந்தி இன்று இரவு இந்தியா வரக்கூடும் என்று கூறப்படுகிறது.

காங்கிரஸ் தலைவர் சோனியா காந்தி(64) புற்றுநோய்க்காக அறுவை சிகிச்சை செய்து கொள்ள அமெரிக்கா சென்றார். அங்கு அவருக்கு கடந்த மாதம் 4-ம் தேதி அறுவை சிகிச்சை வெற்றிகரமாக நடந்து உடல் நலம் தேறி வருகிறார். அவருக்கு துணையாக மகள் பிரியங்கா காந்தி அமெரிக்காவில் உள்ளார்.

இன்று சோனியாவும், பிரியங்காவும் நாடு திரும்பக்கூடும் என்று கூறப்படுகிறது. நேற்று முன்தினம் சோனியாவை பார்த்துவிட்டு வந்த ராகுல் காந்தி மக்களவையில் கட்சித் தலைவர்களிடம் தனது தாயின் உடல் நிலை குறித்து பேசியதாகத் தெரிகிறது.

சோனியா காந்தி செப்டம்பர் மாதம் முதல் வாரத்தில் இந்தியா திரும்பலாம் என்று ஏற்கனவே கூறப்பட்டது என்பது குறிப்பிடத்தக்கது.

Published On September 6, 2011