அமெரிக்க சிகிச்சை முடிந்து டெல்லி திரும்பினார் சோனியா காந்தி

By Siva

Published: Thursday, September 8, 2011, 10:58 [IST]

Subscribe to Oneindia Tamil

டெல்லி: அறுவை சிகிச்சை செய்து கொள்வதற்காக அமெரிக்கா சென்ற காங்கிரஸ் தலைவர் சோனியா காந்தி இன்று அதிகாலை டெல்லி திரும்பினார்.

காங்கிரஸ் தலைவர் சோனியா காந்திக்கு திடீர் உடல் நலக்குறைவு ஏற்பட்டது. இதையடுத்து அவர் சிகிச்சைக்காக அமெரிக்கா சென்றார். அங்கு அவருக்கு கடந்த மாதம் 4-ம் தேதி அறுவை சிகிச்சை நடந்தது. அவருக்கு துணையாக பிரியங்கா காந்தி மருத்துவமனையில் இருந்தார்.

ராகுல் காந்தி கடந்த வாரம் தான் அமெரிக்கா சென்று சோனியாவை பார்த்துவிட்டு வந்தார். அறுவை சிகிச்சைக்கு பிறகு சோனியா காந்தி முழுவதுமாக குணமடைந்துள்ளார்.

சோனியா பூரணமாக குணமடைய கட்சித் தொண்டர்கள், நிர்வாகிகள் கோவில், கோவிலாக ஏறி, இறங்கினர். அவர்கள் பிரார்த்தனை வீண் போகவில்லை. அவர் பூரண குணமடைந்தது இன்று அதிகாலை 3 மணிக்கு டெல்லி வந்திறங்கினார். அவருடன் அவரது மகள் பிரியங்கா காந்தியும் வந்தார்.

Published On September 8, 2011