திண்டுக்கல்- சேலம் மாவட்ட தே.மு.தி.க. நிர்வாகிகள் திடீர் நீக்கம்

Published: Tuesday, September 13, 2011, 14:48 [IST]

Subscribe to Oneindia Tamil

மதுரை: திண்டுக்கல் மற்றும் சேலம் மாவட்ட தே.மு.தி.க.நிர்வாகிகளை அக்கட்சியின் தலைவர் விஜயகாந்த் திடீரென பதவி நீக்கம் செய்துள்ளார்.

இதுகுறித்து தே.மு.தி.க. தலைவர் விஜயகாந்த் வெளியிட்டுள்ள அறிக்கையில் கூறியுள்ளதாவது, கன்னியாகுமரி ஒருங்கிணைந்த மாவட்ட செயலராக, மாநில கேப்டன் மன்ற செயலர் ரவி நியமிக்கப்படுகின்றார். அதே போல, நெல்லை மாவட்டம், புளியங்குடி நகர பொறுப்பாளராக செந்தில் நியமிக்கப்படுகின்றனர்.

திண்டுக்கல் கிழக்கு மாவட்ட பொருளாளர் ஜவஹர், துணை செயலாளர் மலைராஜன், கேப்டன் மன்ற செயலாளர் அப்பாஸ், மகளிரணி செயலாளர் நித்யா, சேலம் மாநகர் மாவட்ட துணை செயலாளர் அண்ணாதுரை ஆகியோர் அவர்களது பொறுப்பில் இருந்து நீக்கப்படுகின்றார்.

இவ்வாறு அந்த அறிக்கையில் கூறியுள்ளார்.

Published On September 13, 2011