திருச்சி மேற்கு இடைத்தேர்தல்: அதிமுக வேட்பாளர் பரஞ்சோதி!

சென்னை: திருச்சி மேற்கு தொகுதிக்கு நடைபெறும் இடைத்தேர்தலில் அதிமுக சார்பில் எம்.பரஞ்சோதி போட்டியிடுவார் என்று அறிவிக்கப்பட்டுள்ளது.

இந்தத் தொகுதியில் போட்டியிட்டு வென்று அமைச்சரான மரியம் பிச்சை விபத்தில் பலியானதையடுத்து இந்த இடைத் தேர்தல் நடக்கிறது.

2006ம் ஆண்டு முதல் 2011ம் ஆண்டு வரை ஸ்ரீரங்கம் தொகுதி எம்.எல்.ஏவாக இருந்தவர் பரஞ்சோதி. 2011ல் சட்டமன்ற தேர்தலில் ஸ்ரீரங்கம் தொகுதியில் ஜெயலலிதா போட்டியிட்டபோது பரஞ்சோதி, தேர்தல் பொறுப்பாளராகப் பணியாற்றினார் என்பது குறிப்பிடத்தக்கது.

புதுவை இடைத் தேர்தல் வேட்பாளர்:

அதே போல புதுவை இந்திரா நகர் தொகுதிக்கு நடைபெற உள்ள இடைத் தேர்தலில் அதிமுக சார்பில் வெங்கடேசன் போட்டியிடுவார் என்றும் அறிவிக்கப்பட்டுள்ளது.

கடந்த சட்டமன்றத் தேர்தலில் 2 தொகுதிகளில் போட்டியிட்ட முதல்வர் ரங்கசாமி இந்திரா நகர் தொகுதி எம்எல்ஏ பதவியை ராஜினாமா செய்ததால் அங்கு இடைத் தேர்தல் நடைபெறுகிறது.

English summary

ADMK general secretary has announced that Paranjyothi will be the party's candidate for Trichy West bypoll