அமெரிக்காவின் பல நகரங்களிலும் நரேந்திர மோடிக்கு ஆதரவாக உண்ணாவிரதம்

Published: Sunday, September 18, 2011, 17:05 [IST]

Subscribe to Oneindia Tamil

வாஷிங்டன்: குஜராத் முதல்வர் நரேந்திர மோடி இருந்து வரும் 3 நாள் உண்ணாவிரதத்திற்கு குஜராத்தில் மட்டுமல்லாமல், குஜராத்துக்கு வெளியே அமெரிக்காவிலும் பெரும் ஆதரவு காணப்படுகிறது. அமெரிக்காவின் பல நகரங்களிலும் அவரது ஆதரவாளர்கள் உண்ணாவிரதம் மேற்கொண்டுள்ளனர்.

அமைதி, மத நல்லிணக்கம் ஆகியவற்றை வலியுறுத்தி நரேந்திர மோடி 3 நாள் உண்ணாவிரதத்தை நேற்று தொடங்கினார். இந்தப் போராட்டத்திற்குப் பெரும் ஆதரவு காணப்படுகிறது. பெரும் திரளான முஸ்லீம்களும் இந்தப் போராட்டத்தில் பங்கேற்று ஆதரவு தெரிவித்திருப்பது வியப்பலைகளை ஏற்படுத்தியுள்ளது.

இந்த நிலையில், அமெரிக்காவிலும் மோடி ஆதரவாளர்கள் உண்ணாவிரதத்தில் குதித்துள்ளனர்.

பாஜகவின் வெளிநாட்டு நண்பர்கள் என்ற அமைப்பு இந்த உண்ணாவிரதத்திற்கு ஏற்பாடு செய்துள்ளது. அமெரிக்காவின் 12 நகரங்களில் இந்த உண்ணாவிரதம் நடந்து வருகிறது.

நியூயார்க், நியூஜெர்சி, பென்சில்வேனியா, டெலவரே, வாஷிங்டன், அட்லாண்டா, செயின் லூயிஸ், சிகாகோ, கென்டகி, மின்னசோட்டா, புளோரிடா, டெக்ஸாஸ், கலிபோர்னியா ஆகிய நகங்களில் போராட்டம் நடந்து வருவதாக பாஜகவின் நண்பர்கள் அமைப்பு தெரிவித்துள்ளது.

Published On September 18, 2011