ப. சிதம்பரத்தை கிருஷ்ணராக சித்தரிக்கும் போஸ்டர்: இந்து மக்கள் கட்சி கமிஷனரிடம் புகார்
சென்னை: காங்கிரஸ் தலைமையகமான சென்னை சத்தியமூர்த்தி பவன் அருகில் மத்திய உள்துறை அமைச்சர் ப. சிதம்பரத்தை கிருஷ்ண பகவான் போன்று சித்தரித்து போஸ்டர் ஒட்டியவர்கள் மீது நடவடிக்கை எடுக்கக் கோரி இந்து மக்கள் கட்சி சென்னை மாநகர போலீஸ் கமிஷனர் அலுவலகத்தில் புகார் தெரிவித்துள்ளது.
இது குறித்து இந்து மக்கள் கட்சி கொடுத்த புகார் மனுவில் கூறியிருப்பதாவது,
சமீபத்தில் சத்தியமூர்த்திபவன் காங்கிரஸ் அலுவலகத்தின் அருகில் உள்துறை அமைச்சர் ப.சிதம்பரத்தை பகவான் கிருஷ்ணர் உருவப்படத்தில் பொருத்தி, கிருஷ்ணர் அவதாரம்போல் போஸ்டர் ஒட்டப்பட்டுள்ளது.
இது இந்து கடவுள்களை இழிவுபடுத்தி, இந்துக்களின் உணர்வையும் புண்படுத்துகிறது. எனவே, விளம்பரம் செய்தவர்கள் மீது தக்க நடவடிக்கை எடுத்து இதுபோன்ற இந்து கடவுள் படங்களை எந்த அரசியல் கட்சி தலைவர்களும், தங்களுடைய போஸ்டர்களில் போட அனுமதி அளிக்கக் கூடாது எனவும் கேட்டுக் கொள்கிறேன்.
இவ்வாறு அதில் கூறப்பட்டுள்ளது.
Click it and Unblock the Notifications
Sign in with Google