பூகம்பத்தைப் பயன்படுத்தி ஜல்பைகுரி சிறையிலிருந்து தப்ப கைதிகள் முயற்சி

கொல்கத்தா: சிக்கிமை மையமாகக் கொண்டு நேற்று மாலை ஏற்பட்ட சக்தி வாய்ந்த நிலநடுக்கத்தைத் தொடர்ந்து ஏற்பட்ட அமளி துமளியைப் பயன்படுத்தி மேற்கு வங்க மாநிலம் ஜல்பைகுரியில்,உள்ள சிறையிலிருந்து தப்ப கைதிகள் முயன்றனர்.

இங்குள்ள சிறையின் கதவுகள், ஜன்னல்கள், பூகம்பத்தால் சேதமடைந்தன. இதையடுத்து அங்கு அடைக்கப்பட்டிருந்த கிட்டத்தட்ட 1100 கைதிகளும் தங்களது அறையை விட்டு வந்து விட்டனர். பின்னர் அவர்கள் சிறையிலிருந்து வெளியேறவும் முயற்சித்தனர்.

இருப்பினும் சிறைக் காவலர்களும், வார்டன்களும் அவர்களைத் தடுத்து நிலைமையை கட்டுக்குள் கொண்டு வந்தனர். கூடுதல் போலீஸாரும் உடனடியாக வரவழைக்கப்பட்டு கைதிகள் தப்பாவண்ணம் பார்த்துக் கொண்டனர்.

மேலும் ஒளிவெள்ள விளக்குகளும் முழுமையாக ஆன் செய்யப்பட்டு சிறை முழுக் கட்டுப்பாட்டுக்குள் கொண்டு வரப்பட்டது.

English summary

Taking advantage of the earthquake on Sunday, prisoners in Jalpaiguri jail tried to escape as some of the doors and windows collapsed under the impact of the tremor, prison authorities said. Nearly 1,100 prisoners came out of their cells in the Jalpaiguri Central Correctional Home after the windows and doors of some prison cells collapsed. "Nearly 1,100 prisoners broke open the collapsed doors and came outside," jail officials said. However, the jail wardens and guards immediately took control of the situation, they said.