ஒரு நாள் வீழ்ச்சி... மறுநாள் உயர்வு - இது தங்க கண்ணாமூச்சி!

வர்த்தக தங்கத்தின் விலை ஒரு நாள் உயர்வதும் மறுநாள் தாழ்வதுமாக கண்ணாமூச்சி காட்டி வருகிறது.

முதல் நாள் தங்கத்தின் விலையில் வீழ்ச்சி என்று செய்தி வந்தாலே, அடுத்த நாள் அதைவிட அதிகமான விலை உயர்வு காத்திருக்கிறதென்பதை எளிதில் புரிந்து கொள்ளலாம்.

சென்னை மார்க்கெட்டில் தங்கம் விலை நேற்று சவரனுக்கு ரூ. 192 குறைந்து ரூ. 21 ஆயிரத்து 040 ஆக இருந்தது. இன்று பிற்பகல் வரை சவரனுக்கு ரூ. 176 அதிகரித்து ரூ. 21 ஆயிரத்து 216 ஆக உள்ளது. ஒர் கிராம் ரூ. 2652-க்கு விற்கிறது. மாலைக்குள் இந்த விலை இன்னும் உயரலாம் என்கிறார்கள் வர்த்தகர்கள்.

இந்த ஆண்டின் இறுதிவரை இந்த கண்ணாமூச்சி தொடரும் என்றும், 2012-ல் சவரன் ரூ 25000ஐத் தொடும் என்றும் நகை வர்த்தகர்கள் எச்சரித்துள்ளனர்.

ஒரு கிலோ வெள்ளி ரூ. 64 ஆயிரத்து 115 ஆகவும், ஒரு கிராம் ரூ. 68.60 ஆகவும் உள்ளது. வெள்ளியின் விலை கிராமுக்கு ரூ 100 வரை போகும் நிலை வரலாம் என்றும் கூறப்படுகிறது.

English summary

gold price surges Rs 172 per sovereign today in Chennai Market. today's selling price of gold is Rs 21216 per sovereign.