பொள்ளாச்சி அதிமுக நகராட்சி தலைவர் வேட்பாளர் திடீர் மாற்றம்
பொள்ளாச்சி: பொள்ளாச்சி நகராட்சி தலைவர் பதவிக்கு அ.தி.மு.க., வேட்பாளர் திடீரென மாற்றப்பட்டு, புதிய வேட்பாளராக கிருஷ்ணகுமார் அறிவிக்கப்பட்டுள்ளார்.
பொள்ளாச்சி நகராட்சி தலைவர் பதவிக்கு சீட் கேட்டு அ.தி.மு.க-வில் 15 பேர் விருப்ப மனு தாக்கல் செய்திருந்தனர். இந்த நிலையில், பொள்ளாச்சி நகராட்சி தலைவர் பதவிக்கு, அ.தி.மு.க. மாவட்ட இளைஞரணி செயலாளர் விஜயகுமாரை வேட்பாளராக அக்கட்சி தலைமை அறிவித்தது.
பொள்ளாச்சி நகராட்சி தலைவருக்கான அ.தி.மு.க., வேட்பாளரை மாற்ற வேண்டுமென, வார்டு கிளை செயலாளர்கள், நிர்வாகிகள் என பலரும் போர்க் கொடி உயர்த்தினர். மேலும், அமைச்சர் வேலுமணி , பொள்ளாச்சி எம்.பி. சுகுமார், சட்ட மன்ற உறுப்பினர் முத்துக்கருப்பண்ணசாமி ஆகியோரை சந்தித்து, பொள்ளாச்சி வேட்பாளரை மாற்றம் செய்ய வேண்டும் என்று கோரிக்கை வைத்தனர்.
இந்நிலையில், நேற்று பொள்ளாச்சி நகராட்சி தலைவருக்கான அ.தி.மு.க., வேட்பாளர் விஜயகுமாருக்கு பதிலாக பொள்ளாச்சி நகர அ.தி.மு.க.செயலாளர் கிருஷ்ணகுமார் அறிவிக்கப்பட்டுள்ளார்.
Click it and Unblock the Notifications
Sign in with Google