இந்து மக்கள் கட்சியும் உள்ளாட்சித் தேர்தல் களத்தில் குதித்தது

Published: Sunday, September 25, 2011, 14:35 [IST]

Subscribe to Oneindia Tamil

உடுமலை: இந்து மக்கள் கட்சி சார்பில் உள்ளாட்சி தேர்தலில் போட்டியிடும் வேட்பாளர்கள் பட்டியல் வெளியிடப்பட்டுள்ளது.

தமிழ்நாட்டில் உள்ளாட்சி தேர்தல்கள் 17 மற்றும் 19 -ஆகிய தேதிகளில் இரண்டு கட்டங்களாக நடைபெற உள்ளது.

இதனையடுத்து, தேர்தலுக்கு திமுக, அதிமுக, மதிமுக, தேமுதிக போன்ற கட்சிகள் தங்களது வேட்பாளர் பட்டியலை வெளியிட்டு வருகின்றது.

அதே போல இந்து மக்கள் கட்சியும் கூட்டணி அமைக்காமல் தனித்து வேட்பாளர்களை அறிவி்த்துள்ளது.

இது குறித்து, இந்து மக்கள் கட்சி மாநில செய்தி தொடர்பாளர் ரமணன் வெளியிட்ட அறிக்கையில் கூறியுள்ளதாவது

இந்து மக்கள் கட்சி சார்பில் உள்ளாட்சி தேர்தலில் போட்டியிடும் வேட்பாளர்கள் பட்டியல் வெளியிடப்பட்டுள்ளது.

அதன்படி, குடிமங்கலம் மாவட்ட ஊராட்சி வார்டுக்கு சீதாலட்சுமி-யும், ஒன்றிய குழு 1 வது வார்டு (பூளவாடி, பெரியபட்டி ஊராட்சி)க்கு அன்பிற்பிரியா -வும், 13 வது வார்டு (புதுப்பாளையம், பண்ணைக்கிணறு) க்கு ராமன் ஆகியோர் போட்டியிடுகின்றனர்.

குடிமங்கலம் ஒன்றியம் கொண்டம்பட்டி ஊராட்சி தலைவர் பதவிக்கு ரமேஷ் -ம், உடுமலை ஒன்றியம் 20 வது வார்டு ஒன்றிய குழு உறுப்பினருக்கு லோகமுருகனும் ஆகியோர் போட்டியிடுகின்றனர்.

விரைவில் பல்வேறு இடங்களுக்கு வேட்பாளர்கள் அறிவிக்கப்படுவார்கள் என்று அதில் தெரிவிக்கப்பட்டுள்ளது.

Published On September 25, 2011