மதுரை, சேலம், நெல்லை மாநகராட்சி மேயர் வேட்பாளர்கள்- பாஜக அறிவிப்பு

சென்னை: மதுரை, சேலம், நெல்லை மாநகராட்சிகளுக்கான மேயர் வேட்பாளர்கள், 42 நகராட்சித் தலைவர்கள் பதவிகளுக்கான வேட்பாளர்களை பாஜக அறிவித்துள்ளது.

இது அக்கட்சி வெளியிடும் முதல் வேட்பாளர் பட்டியலாகும். உள்ளாட்சித் தேர்தலில் கொங்குநாடு முன்னேற்றக் கழகத்துடன் கூட்டணி அமைத்து பாஜக போட்டியிடுகிறது. இந் நிலையில்
அக்கட்சியின் மாநிலத் தலைவர் பொன். ராதாகிருஷ்ணன் வெளியிட்ட வேட்பாளர் பட்டியலில்,

சேலம் மாநகராட்சி மேயர் பதவிக்கு ஆடிட்டர் வி. ரமேஷ், மதுரை மாநகராட்சி மேயர் பதவிக்கு டாக்டர் யு. ராஜேந்திரன், திருநெல்வேலி மாநகராட்சி மேயர் பதவிக்கு எம். கிருஷ்ணமணி ஆகியோர் போட்டியிடுவர் என அறிவிக்கப்பட்டுள்ளது.

அதே போல 42 நகராட்சிகளுக்கான தலைவர் பதவிக்கான வேட்பாளர்களையும் அந்தக் கட்சி அறிவித்துள்ளது.

சென்னை மாநகராட்சிக்கான மேயர் வேட்பாளர் பதவிக்கு கட்சியில் கடும் போட்டி நிலவுவதாகத் தெரிகிறது. இதனால் வேட்பாளரை இறுதி செய்வதில் பிரச்சனையாம்.

English summary

BJP has announced candidates for Madurai, Salem and Nellai corporation Mayor posts