அதிமுக கூட்டணியில் கொஇபே, அஇசமக, அஇமூமுக!

சென்னை: உள்ளாட்சித் தேர்தலில் உ.தனியரசுவை நிறுவன அமைப்பாளராகக் கொண்டு செயல்பட்டு வரும் தமிழ்நாடு கொங்கு இளைஞர் பேரவை, சரத்குமாரின் அகில இந்திய சமத்துவ மக்கள் கட்சி, டாக்டர் சேதுராமனின் அகில இந்திய மூவேந்தர் முன்னணி கழகம் ஆகிய கட்சிகளுடனும் இடப் பங்கீடு உடன்பாடு எட்டப்பட்டுள்ளதாக அதிமுக அறிவித்துள்ளது.

முன்னதாக இந்திய குடியரசுக் கட்சி, அகில இந்திய பார்வர்டு பிளாக், தமிழ் மாநில முஸ்லிம் லீக் ஆகியவற்றுடன் அதிமுகவுக்கு உடன்பாடு ஏற்பட்டது.

இந் நிலையில் மேலும் 3 சிறிய கட்சிகளும் அதிமுகவுடன் உடன்பாடு கண்டுள்ளன. இதன்மூலம் அதிமுகவுக்கும் 6 கட்சிகளுக்கும் இடையே இடப் பங்கீட்டு உடன்பாடு ஏற்பட்டுள்ளது.

இவை அனைத்தும் கடந்த சட்டமன்றத் தேர்தலில் அதிமுகவுடன் கூட்டணி வைத்திருந்த கட்சிகள் ஆகும். அதே நேரத்தில் கூட்டணியில் இருந்த பெரிய கட்சிகளான தேமுதிக, சிபிஎம், சிபிஐ ஆகியவற்றையும் புதிய தமிழகம் கட்சியையும் அதிமுக விரட்டியடித்துவிட்டது குறிப்பிட்டத்தது.

English summary

ADMK has reached seat sharing pact with Kongu Ilaingnar peravai, Sarath kumar party and Dr Sethuraman's party for civic polls