தொடரும் தங்கம் விலை வீழ்ச்சி... இன்றும் ரூ 403 குறைந்தது!

சென்னை: தங்கத்தின் விலை கடந்த சில நாட்களாகக் குறைய ஆரம்பித்துள்ளது. இது பொதுமக்கள் மத்தியில் ஒரு சிறு நிம்மதியை ஏற்படுத்தியுள்ளது.

கடந்த சில வாரங்களாக கிடுகிடுவென உயர்ந்து சவரன் ரூ.21,800- வரை விற்றது தங்கம்.

தங்கம் வாங்குவோர், குறிப்பாக கல்யாண விசேஷத்தை வைத்துக் கொண்டிருப்போர் இதில் பெரும் கவலைக்குள்ளாகினர். இந்த நிலையில் உயர்ந்து கொண்டிருந்த தங்கத்தின் விலை கடந்த சில தினங்களாக குறைந்து வருகிறது.

அமெரிக்க டாலரின் மதிப்பு அதிகமானதாலும், சர்வதேச அளவில் பங்குகள் நிலையான தன்மையில் இருப்பதாலும் தங்கத்தின் விலையில் சரிவு ஏற்பட்டது.

இன்று தங்கம் விலையில் மேலும் வீழ்ச்சி ஏற்பட்டது. நேற்று மாலை ஒரு கிராம் தங்கம் ரூ.2,480-க்கு விற்கப்பட்டது. இன்று காலை ஒரு கிராமுக்கு ரூ.51 குறைந்தது. காலையில் ஒரு கிராம் ரூ.2,429-க்கு விற்கப்பட்டது.

ஒரு பவுனுக்கு ரூ.408 குறைந்தது. இன்று காலை ஒரு பவுன் விலை ரூ.19,432-க்கு விற்பனையானது. நேற்று மாலை பவுன் ரூ.19,840 ஆக இருந்தது. பார்வெள்ளியின் விலை ரூ.51,580 ஆகும். 1 கிராம் ரூ.55.20.

இந்த விலைச் சரிவு தீபாவளிக்குப் பிறகு தொடரும் என்று நகை வியாபாரிகள் கூறி வருகின்றனர். ஏற்கெனவே, தங்கத்தின் விலை ரூ 18000க்குள் வந்துவிடும் என கடந்த வெள்ளியன்று வியாபாரிகள் கணித்திருந்தது நினைவிருக்கலாம்.

English summary

Gold rate declined consecutively for the second day in Chennai market. Today's selling price is Rs 19432 per sovereign in Chennai.