கருணாநிதி எனக்கு திசை காட்டும் விளக்கு: மன்மோகன் சிங்

டெல்லி: திமுக தலைவர் கருணாநிதியின் வாழ்த்துக்கள் எனக்கு திசை காட்டும் விளக்காக விளங்குகிறது என்று பிரதமர் மன்மோகன் சிங் கூறியுள்ளார்.

இரு தினங்களுக்கு முன் பிரதமர் மன்மோகன் சிங்குக்கு 79வது பிறந்த நாள். அப்போது அவர் நியூயார்க்கில் இருந்த நிலையில் அவருக்கு கருணாநிதி வாழ்த்துத் தந்தி அனுப்பியிருந்தார். அதில்,

உங்களுக்கு பிறந்த நாள் வாழ்த்துக்கள். எத்தனையோ கணக்கில் அடங்காத பிரச்சனைகள் இருந்தபோதிலும் அவற்றை உங்களது சிறந்த திறமையான அனுபவம் மற்றும் நிபுணத்துவம் ஆகியவற்றால் தீர்த்து வைத்துள்ளீர்கள். நீங்கள் நீண்டகாலம் மகிழ்ச்சியுடனும் உடல் நலத்துடனும் வாழ மீண்டும் வாழ்த்துகிறேன் என்று கூறியிருந்தார்.

இந் நிலையில் நேற்று அமெரிக்காவிலிருந்து திரும்பி. மன்மோகன் சிங்கை திமுக நாடாளுமன்றக் குழுத் தலைவர் டி.ஆர்.பாலு நேரில் சந்தித்து கருணாநிதியின் சார்பில், பொன்னாடை அணிவித்து வாழ்த்துத் தெரிவித்தார்.

அப்போது மன்மோகன் சிங் கூறுகையில், இந்திய ஜனநாயகத்தின் மாபெரும் தலைவரான கருணாநிதியின் வாழ்த்துக்களை நான் நன்றி உணர்வோடு ஏற்றுக் கொள்கிறேன். அவரது அன்பான வாழ்த்துக்களும், அறிவுரைகளும் எனக்கு திசைக் காட்டும் விளக்காகவும், என்னை ஊக்குவித்து முன்னெடுத்துச் செல்லும் சக்தியாகவும் விளங்குகிறது என்றார்.

English summary

DMK chief M Karunanidhi on Monday greeted Prime Minister Manmohan Singh on his birthday, hailing him for his 'profound scholarship and impeccable career'. Karunanidhi, in a telegram to the Prime Minister wished him a very long life of good health and happiness.