இன்று சிவாஜி கணேசன் பிறந்த நாள்... தலைவர்கள் மரியாதை!
சென்னை: இன்று நடிகர் திலகம் சிவாஜி கணேசனின் 83 வது பிறந்தநாள். இதையொட்டி அவரது சிலைக்கு சீமான் உள்ளிட்ட அரசியல் தலைவர்கள், திரையுலகப் பிரமுகர்கள் மாலை அணிவித்து மரியாதை செலுத்தினர்.
நடிகர் சிவாஜி கணேசனின் 83-வது பிறந்த நாள் விழா இன்று கொண்டாடப்பட்டது. சிவாஜி வீட்டில் அவரது உருவப் படம் அலங்கரித்து வைக்கப்பட்டிருந்தது. சிவாஜி மகன் ராம்குமார், நடிகர் ஒய்.ஜி.மகேந்திரன், ரசிகர் மன்ற தலைவர் கே.வி.பி. பூமிநாதன் மற்றும் சிவாஜி ரசிகர்கள் பலர் மாலை அணிவித்தனர்.
சிவாஜி மன்ற மாவட்ட தலைவர் மஸ்தான், சூளை ராஜேந்திரன் ஆகியோர் அன்னதானம் வழங்கினார்கள். கடற்கரை சாலையில் உள்ள சிவாஜி சிலைக்கு தலைவர்கள் மாலை அணிவித்தனர்.
சீமான்
ராம்குமார், நாம் தமிழர் கட்சி தலைவர் சீமான், நிர்வாகிகள் சாகுல்அமீது, தடா சந்திரசேகர், கலைக்கோட்டுதயம், செல்வராஜ், தங்கராசு, அன்பு தென்னரசன் ஆகியோரும் மாலை அணிவித்தனர். சிவாஜி ரசிகர் மன்றத்தினரும் மாலை அணிவித்தார்கள்.
சத்யமூர்த்தி பவனில்...
சத்தியமூர்த்தி பவனில் சிவாஜி பிறந்த நாள் விழா கொண்டாடப்பட்டது. சிவாஜி உருவப்படத்துக்கு தமிழக காங்கிரஸ் தலைவர் தங்கபாலு மாலை அணிவித்தார்.
எஸ்.ஆர். பாலசுப்பிரமணியம், ஆர். தாமோதரன், கொண்டல்தாசன், கே.ஏ.பி. பாலு, அகரம் கோபி, புல்லட் சாகுல், குணசேகரன், தமிழ் செல்வன், சிவாஜி மன்ற தலைவர் பூமிநாதன் ஆகியோரும் மாலை அணிவித்தனர்.
Click it and Unblock the Notifications
Sign in with Google